തിരുവനന്തപുരം: എഡിജിപി എസ്. ശ്രീജിത്ത് നല്‍കിയ സിവില്‍ മാനനഷ്ടക്കേസില്‍ രാഷ്ട്രീയ നിരീക്ഷകൻ കെ.എം. ഷാജഹാൻ അഞ്ച് ലക്ഷം രൂപ പിഴയടക്കാൻ കോടതി ഉത്തരവിട്ടു. തിരുവനന്തപുരം മുൻസിഫ് മജിസ്‌ട്രേറ്റ് കോടതിയുടേതാണ് വിധി. പിഴത്തുകയ്ക്ക് പുറമെ കേസ് നടത്തുന്നതിനുണ്ടായ ചെലവും ഷാജഹാൻ വഹിക്കണം.
യൂട്യൂബ് ചാനലിലൂടെ എഡിജിപി എസ്. ശ്രീജിത്തിനെതിരെ വ്യാജവും അപകീർത്തികരവുമായ പ്രചാരണങ്ങള്‍ നടത്തിയെന്നായിരുന്നു പരാതി. ശ്രീജിത്ത് ഫയല്‍ ചെയ്ത സിവില്‍ കേസിൻമേലാണ് ഇപ്പോള്‍ വിധി വന്നിരിക്കുന്നത്. വ്യക്തിഹത്യ നടത്തിയതിന് നഷ്ടപരിഹാരം നല്‍കണമെന്ന കോടതി ഉത്തരവ് ഷാജഹാന് വലിയ തിരിച്ചടിയായി.
ഇതേ വിഷയത്തില്‍ ഷാജഹാനെതിരെ ഒരു ക്രിമിനല്‍ കേസ് കൂടി നിലവിലുണ്ട്. ഈ കേസില്‍ കോടതിയുടെ വിധി വരാനിരിക്കുന്നതേയുള്ളൂ. സോഷ്യല്‍ മീഡിയയിലൂടെയുള്ള വിമർശനങ്ങള്‍ വ്യക്തിഹത്യയിലേക്ക് കടന്നാല്‍ നിയമപരമായ പ്രത്യാഘാതങ്ങള്‍ നേരിടേണ്ടി വരുമെന്ന ഓർമ്മപ്പെടുത്തലാണ് ഈ കോടതി വിധി.
SUMMARY: Court fines KM Shahjahan Rs 5 lakh for spreading fake news on YouTube
