തർബിയ അക്കാഡമി ഉദ്ഘാടനം ചെയ്തു

ബെംഗളൂരു: ഓൾ ഇന്ത്യ കെഎംസിസി ഹൊസ്കോട്ട ഏരിയ കമ്മിറ്റിയുടെ പുതിയ വിദ്യാഭ്യാസ പദ്ധതിയായ ‘തർബിയ അക്കാഡമി’ക്ക് തുടക്കമായി. മെഡഹള്ളി നിയോം അക്കാഡമിയിൽ നടന്ന ചടങ്ങിൽ എഐകെഎംസിസി വൈസ് പ്രസിഡന്റ് ഹനീഫ് കെ.ആർ. പുര ഉദ്ഘാടനം ചെയ്തു.

സെൻട്രൽ കമ്മിറ്റി സെക്രട്ടറി അബ്ദുള്ള മാവള്ളി അധ്യക്ഷത വഹിച്ചു. നിയാസ് ഗസ്സാലി ആമുഖപ്രഭാഷണവും മുഷറഫ് അലി ഗസ്സാലി സ്വാഗതവും പറഞ്ഞു. ‘മദ്രസാ വിദ്യാഭ്യാസത്തിന്റെ അനിവാര്യത’ എന്ന വിഷയത്തിൽ അയ്യൂബ് ഹസനി മുഖ്യപ്രഭാഷണം നടത്തി. തർബിയ അക്കാഡമിയുടെ ആദ്യ ക്ലാസ് ഉദ്ഘാടനവും വിദ്യാർഥികൾക്കായുള്ള പ്രത്യേക സെഷനും യൂസുഫ് ഫൈസി നിർവ്വഹിച്ചു.

അർഷാദ് ഗ്രാൻഡ്, റഹീം ബിഗ് ഡേ, നിയോം അക്കാഡമി ഡയറക്ടർ ഇല്ല്യാസ് പാഷ എന്നിവർ ആശംസകൾ നേർന്നു. ചടങ്ങിൽ ദിൽഷാദ് ഡ്രീം മാർട്ട്, സയ്യിദ് മസ്താൻ, അയ്യൂബ്, അനീസ് ടി.എം.സി, ഫൈസൽ കെ.ആർ. പുര, റഊഫ് ഹസനി, സമദ് വാഫി, ബിഷർ ഹുദവി, നജ്മൽ ഹുദവി, സൈനുൽ ആബിദ് ഹുദവി, സുബൈർ ഹുദവി, ജാസിം ഹുദവി, അസ്ലം ഹുദവി, റാഷിഖ് ഹുദവി തുടങ്ങിയവർ പങ്കെടുത്തു. അബൂബക്കർ ഹുദവി നന്ദി പറഞ്ഞു.

SUMMARY: Tarbiya Academy inaugurated