ബെംഗളൂരു: കന്നഡ നടി രന്യ റാവു ഉൾപ്പെട്ട സ്വർണക്കടത്ത് കേസിൽ ഡിജിപി കെ. രാമചന്ദ്ര റാവുവിനെതിരെ അന്വേഷണം. ഡയറക്ടറേറ്റ് ഓഫ് റവന്യൂ ഇന്റലിജന്സിന്റെ പിടിയിലായ രന്യയുടെ വളർത്തച്ഛനാണ് രാമചന്ദ്ര റാവു. അഡീഷണല് ചീഫ് സെക്രട്ടറിയായ ഗൗരവ് ഗുപ്തയെയാണ് കര്ണാടക സര്ക്കാര് അന്വേഷണത്തിന് ചുമതലപ്പെടുത്തിയിരിക്കുന്നത്. ഒരാഴ്ചയ്ക്കുള്ളില് റിപ്പോര്ട്ട് സമര്പ്പിക്കാന് നിര്ദേശിച്ചിട്ടുണ്ട്.
പോലീസ് ഉദ്യോഗസ്ഥരുടെ ഭാഗത്തുനിന്നുള്ള വീഴ്ച സംബന്ധിച്ച് റിപ്പോര്ട്ട് സമര്പ്പിക്കാന് സിഐഡി വിഭാഗത്തോടും സർക്കാർ ആവശ്യപ്പെട്ടിട്ടുണ്ട്. മാര്ച്ച് 3ന് ദുബായില് നിന്ന് എത്തിയ നടിയെ 12.5 കോടി രൂപ വിലമതിക്കുന്ന 14.2 കിലോഗ്രാം സ്വര്ണക്കട്ടികളുമായി കെംപെഗൗഡ അന്താരാഷ്ട്ര വിമാനത്താവളത്തില് നിന്ന് ഡയറക്ടറേറ്റ് ഓഫ് റവന്യൂ ഇന്റലിജന്സാണ് അറസ്റ്റ് ചെയ്തത്. ഡിജിപിയുടെ മകള് എന്ന നിലയ്ക്ക് രന്യ റാവു പ്രോട്ടോക്കോള് ദുരുപയോഗം ചെയ്തതായി പിന്നീട് അന്വേഷണ സംഘം കണ്ടെത്തിയിരുന്നു.
TAGS: BENGALURU
SUMMARY: DGP Ramachandra rao suspected in gold smuggling case
