ബെംഗളൂരു: ധര്മ്മസ്ഥലയില് മൃതദേഹങ്ങള് കൂട്ടത്തോടെ സംസ്കരിച്ചതായി ആരോപിക്കപ്പെടുന്ന കേസ് അന്വേഷിക്കുന്ന പ്രത്യേക അന്വേഷണ സംഘം (എസ്ഐടി) രാഷ്ട്രീയ ഹിന്ദു ജാഗരണ് വേദികെ പ്രസിഡന്റ് മഹേഷ് ഷെട്ടി തിമ്മറോടിയുടെ ഉജിരെയിലെ വീട്ടില് പരിശോധന നടത്തി. എസ്.ഐ.ടി അന്വേഷണ ഉദ്യോഗസ്ഥന് ജിതേന്ദ്ര കുമാര് ദയാമിന്റെ നേതൃത്വത്തില് ചൊവ്വാഴ്ച രാവിലെ 9.20 ഓടെയാണ് റെയ്ഡ് നടത്തിയത്.
തിങ്കളാഴ്ച ബെല്ത്തങ്ങാടി കോടതിയില് നിന്ന് ലഭിച്ച സെര്ച്ച് വാറണ്ടുമായെത്തിയ സംഘം പ്രതിയും വ്യാജ വെളിപ്പെടുത്തല് നടത്തിയ മുന് ശുചീകരണ തൊഴിലാളിയുമായ ചിന്നയ്യയെ മഹേഷ് ഷെട്ടി തിമറോടിയുടെ വീട്ടിലെത്തിച്ച് പരിസരം മുഴുവനും പരിശോധിച്ചു. തിരച്ചിലില് എസ്.ഐ.ടി ഉദ്യോഗസ്ഥര് ചിന്നയ്യയുടെ മൊബൈല് ഫോണ് കണ്ടെടുത്തതായുള്ള റിപ്പോര്ട്ടുകള് പുറത്തുവരുന്നുണ്ട്.
കഴിഞ്ഞ രണ്ട് മാസമായി മഹേഷ് ഷെട്ടി തിമറോടി ചിന്നയ്യയെ ഉജിരെയിലെ വസതിയില് താമസിപ്പിച്ചതായുള്ള റിപ്പോര്ട്ടുകള് പുറത്തുവന്നിരുന്നു. മഹേഷ് ഷെട്ടി തിമറോടിയുടെ സഹോദരന് മോഹന് ഷെട്ടിയുടെ വീട്ടിലും സംഘം റെയ്ഡ് നടത്തി.
ചിന്നയ്യയുടെ സമീപകാല വാര്ത്താസമ്മേളനങ്ങള്, മുഖംമൂടികളില്ലാതെ നല്കിയ അഭിമുഖങ്ങള്, വ്ളോഗര് സമീറിന്റെ നിരവധി യൂട്യൂബ് വീഡിയോകള് എന്നിവ ഈ വീട്ടില് വെച്ചാണ് റെക്കോര്ഡ് ചെയ്തതെന്നുള്ള റിപ്പോര്ട്ടുകളും പുറത്തുവരുന്നുണ്ട്. ഈ റിപ്പോര്ട്ടുകള്ക്ക് പിന്നാലെയാണ് റെയ്ഡ് നടത്താനുള്ള നീക്കവുമായി അന്വേഷണ സംഘം ഇവിടെ എത്തിയത്. റെയ്ഡ് സമയത്ത്, മഹേഷ് ഷെട്ടിയും അനുയായികളും വസതിയില് ഉണ്ടായിരുന്നില്ല. മകനും മൂന്ന് സ്ത്രീകളും മാത്രമേ ഉണ്ടായിരുന്നുള്ളൂ. ബിജെപി ദേശീയ ജനറല് സെക്രട്ടറി (സംഘടന) ബി.എല്. സന്തോഷിനെതിരെ അപകീര്ത്തികരമായ പരാമര്ശങ്ങള് നടത്തിയതിന് അറസ്റ്റിലായ തിമ്മറോഡി നിലവില് ജാമ്യത്തിലാണ്.
അതേസമയം ധര്മസ്ഥലയിലെ വിവാദങ്ങളെക്കുറിച്ച് വീഡിയോ ചെയ്തതിന്റെ പേരില് കേസെടുത്തതിനെ തുടര്ന്ന് യൂട്യൂബര് സമീര് എംഡി കഴിഞ്ഞ ദിവസം ബെല്ത്തങ്ങാടി പോലീസ് സ്റ്റേഷനില് ഹാജരായിരുന്നു. രണ്ട് അഭിഭാഷകര്ക്കൊപ്പമാണ് സമീര് പോലീസ് സ്റ്റേഷനിലെത്തിയത്. ജൂണ് 21-ന് സമീറിന് ദക്ഷിണ കന്നഡ പ്രിന്സിപ്പല് ജില്ലാ സെഷന്സ് കോടതി മുന്കൂര് ജാമ്യം അനുവദിച്ചിരുന്നു.
SUMMARY: Dharmasthala case; SIT raids Mahesh Shetty’s Thimaroti house
കൊച്ചി: സംവിധായകൻ രഞ്ജിത്തിനെതിരായ ലൈംഗിക അതിക്രമ കേസില് നടൻ ബോബി കുര്യനെ പോലീസ് ചോദ്യം ചെയ്തു. രഞ്ജിത്തിനെ ഒളിവില് പോകാൻ…
ഇടുക്കി: കഞ്ഞിക്കുഴി ചുരുളിപ്പതാല് മൈക്കിള് സിറ്റിയില് യുവാവ് കുത്തേറ്റ് മരിച്ചു. കല്ലുമാലിക്കല് വീട്ടില് പാപ്പച്ചന്റെ മകനായ രാജൻ (26) ആണ്…
ബെംഗളൂരു: ബെംഗളൂരു ആസ്ഥാനമായി പ്രവര്ത്തിക്കുന്ന ലഹരിവിരുദ്ധ കൂട്ടായ്മ ആന്റി ഡോട്ട് ഫൗണ്ടേഷൻ ഓഫ് ഇന്ത്യയും (അഫോയി) ഹോപ് സൊസൈറ്റിയും സംയുക്തമായി…
തിരുവനന്തപുരം: ആഗോള സമുദ്രവ്യാപാര മേഖലയിലെ തന്ത്രപ്രധാനമായ മാരിടൈം ഹബ്ബാക്കി വിഴിഞ്ഞം തുറമുഖത്തെ മാറ്റാനൊരുങ്ങി കേന്ദ്രം. പശ്ചിമേഷ്യന് സംഘര്ഷത്തെ തുടര്ന്ന് ആഗോള…
ന്യൂഡല്ഹി: രാജ്യസഭാ ഉപാധ്യക്ഷ തിരഞ്ഞെടുപ്പ് ഇന്ന് നടക്കും. തിരഞ്ഞെടുപ്പില്നിന്ന് പ്രതിപക്ഷം വിട്ടുനില്ക്കും. കൂടിയാലോചനകള് നടത്തായ കേന്ദ്രസര്ക്കാര് മുന്നോട്ട് പോകുന്ന സാഹചര്യത്തില്…
ബെംഗളൂരു: ആന്ധ്രാപ്രദേശിലെ കുർനൂലിൽ വാഹനാപകടത്തില് ചിക്കമഗളൂരു സ്വദേശികളായ എട്ടു പേര് മരിച്ചു. ഒമ്പത് പേർക്ക് പരുക്കേറ്റു. ഉദയി സ്വദേശികളായ കുമാർ…