ഡല്ഹി: മെറ്റ ഉടമസ്ഥതയിലുള്ള സാമൂഹിക മാധ്യമ പ്ലാറ്റ്ഫോമായ ഫേസ്ബുക്ക് ലഭ്യമാകുന്നില്ലെന്ന് ഉപയോക്താക്കളുടെ പരാതി. ഇന്ന് ഉച്ചയ്ക്കാണ് തകരാർ ഉണ്ടായത്. ഡെസ്ക്ടോപ്പ് പതിപ്പിലാണ് പ്രശ്നങ്ങള് കാണുന്നത്. ഫേസ്ബുക്ക് ഉപയോഗിക്കാൻ കഴിയുന്നില്ലെന്ന് വ്യക്തമാക്കി ആയിരക്കണക്കിന് പേരാണ് രംഗത്തെത്തിയിട്ടുള്ളത്.
‘നിങ്ങളുടെ അക്കൗണ്ട് താല്ക്കാലികമായി ലഭ്യമല്ല. സൈറ്റിലെ പ്രശ്നം കാരണമാണിത്. അത് ഉടൻ പരിഹരിക്കപ്പെടുമെന്ന് പ്രതീക്ഷിക്കുന്നു. കുറച്ചുമിനിട്ടുകള്ക്ക് ശേഷം വീണ്ടും ശ്രമിക്കുക’ എന്ന സന്ദേശമാണ് ഉപയോക്താക്കള്ക്ക് ലഭിക്കുന്നത്. എന്നാല് തടസ്സത്തിന് മെറ്റാ ഇതുവരെ ഔദ്യോഗിക വിശദീകരണം നല്കിയിട്ടില്ല.
SUMMARY: Facebook service disrupted; Meta does not give reason
