‘ന്നാ താൻ കേസ് കൊട്’ എന്ന ചിത്രത്തില്‍ മന്ത്രി കെ.പി. പ്രേമൻ എന്ന കഥാപാത്രത്തെ അനശ്വരമാക്കിയ ചലച്ചിത്ര – നാടക നടന്‍ ടി.പി. കുഞ്ഞിക്കണ്ണന്‍ അന്തരിച്ചു

കാസറഗോഡ്: പ്രശസ്ത ചലച്ചിത്ര – നാടക നടന്‍ ടി.പി. കുഞ്ഞിക്കണ്ണന്‍ (85) അന്തരിച്ചു. ഇന്ന് രാവിലെ കോഴിക്കോട്ടെ സ്വകാര്യ ആശുപത്രിയിലായിരുന്നു അന്ത്യം. ഹൃദയാഘാതമാണ് മരണകാരണം.

പൊതുമരാമത്ത് വകുപ്പില്‍ എൻജിനീയറായിരുന്ന അദ്ദേഹം നാടക രംഗത്തുനിന്നാണ് സിനിമയിലെത്തിയത്. കുഞ്ചാക്കോ ബോബൻ നായകനായ ‘ന്നാ താൻ കേസ് കൊട്’ എന്ന ചിത്രത്തിലെ മന്ത്രി പ്രേമന്റെ വേഷം ശ്രദ്ധേയമായിരുന്നു.

കാസറഗോഡ്: ചെറുവത്തൂര്‍ സ്വദേശിയാണ്. ഭാര്യ ജാനകി. മക്കൾ: ശ്രീജയ, ശ്രീകല, ശ്രീപ്രിയ. മരണത്തില്‍ സാമൂഹിക, സിനിമാ രംഗത്തെ പ്രമുഖര്‍ അനുശോചിച്ചു.
<BR>
TAGS : OBITUARY
SUMMARY :Film and theatre actor T.P. Kunjikannan passes away