കൊച്ചി: ഈ അവധിക്കാലത്ത് 1606 രൂപ മുതല് ആരംഭിക്കുന്ന വിമാന നിരക്കുകളിൽ നാട്ടിലേക്ക് പറക്കാൻ അവസരവുമായി എയർ ഇന്ത്യ എക്സ്പ്രസിൽ ഫ്ളാഷ് സെയില് ആരംഭിച്ചു.. നവംബര് ഒന്ന് മുതല് ഡിസംബര് 10 വരെയുള്ള യാത്രകള്ക്കായാണ് തിരഞ്ഞെടുത്ത സെക്ടറുകളില് ഓഫര് നിരക്കില് വിമാനടിക്കറ്റ് ലഭിക്കുക. ഒക്ടോബര് 27ന് മുമ്പ് ബുക്ക് ചെയ്യുന്നവര്ക്കാണ് ഓഫര് നിരക്കില് ടിക്കറ്റ് ലഭിക്കുക. എയര് ഇന്ത്യ എക്സ്പ്രസിന്റെ വെബ്സൈറ്റില് (airindiaexpress.com ) നിന്ന് നേരിട്ടാണ് ടിക്കറ്റ് ബുക്ക് ചെയ്യേണ്ടത്. ബുക്ക് ചെയ്യുന്നവർക്ക് 1456 രൂപ മുതലുള്ള എക്സ്പ്രസ് ലൈറ്റ് നിരക്കിലും ടിക്കറ്റുകൾ ലഭിക്കും.
മലയാളികള് ഏറ്റവുമധികം ആശ്രയിക്കുന്ന കൊച്ചി- ബെംഗളൂരു, ചെന്നൈ- ബെംഗളൂരു റൂട്ടുകളിലും ഗുവാഹത്തി- അഗര്ത്തല, വിജയവാഡ- ഹൈദരാബാദ് തുടങ്ങി നിരവധി റൂട്ടുകളിലും ഈ നിരക്കില് ടിക്കറ്റുകള് ലഭിക്കും.
വെബ്സൈറ്റിലൂടെ ബുക്ക് ചെയ്ത് ചെക്ക് ഇന് ബാഗേജ് ഇല്ലാതെ എക്സ്പ്രസ് ലൈറ്റ് നിരക്കുകളില് യാത്ര ചെയ്യുന്നവര്ക്ക് 3 കിലോ അധിക ക്യാബിന് ബാഗേജ് നേരത്തെ ബുക്ക് ചെയ്താൽ സൗജന്യമായി ലഭിക്കും. കൂടുതല് ലഗേജ് ഉള്ളവര്ക്ക് ആഭ്യന്തര വിമാനങ്ങളില് 15 കിലോ ചെക്ക് ഇന് ബാഗേജിന് 1000 രൂപയും അന്താരാഷ്ട്ര വിമാനങ്ങളില് 20 കിലോയ്ക്ക് 1300 രൂപയും മാത്രമാണ് ഈടാക്കുക.
എയർ ഇന്ത്യ എക്സ്പ്രസ് വെബ്സൈറ്റിലെ ലോയൽറ്റി അംഗങ്ങൾക്ക് 58 ഇഞ്ച് വരെ സീറ്റുകള് തമ്മില് അകലമുള്ള ബിസിനസ് ക്ലാസിന് തത്തുല്യമായ എക്സ്പ്രസ് ബിസ് വിഭാഗത്തിലേക്ക് 50 ശതമാനം കിഴിവിൽ ടിക്കറ്റ് എടുക്കാം. എയര് ഇന്ത്യ എക്സ്പ്രസിന്റെ 35 പുതിയ ബോയിംഗ് 737-8 വിമാനങ്ങളിലും 4 മുതല് 8 വരെ എക്സ്പ്രസ് ബിസ് ക്ലാസ് സീറ്റുകൾ ലഭ്യമാണ്. വിപുലീകരണത്തിന്റെ ഭാഗമായി ആഴ്ച തോറും ഒരോ പുതിയ വിമാനം വീതം എയർ ഇന്ത്യ എക്സ്പ്രസ് ഫ്ലീറ്റിലേക്ക് ഉൾപ്പെടുത്തുന്നുണ്ട്.
ലോയല്റ്റി അംഗങ്ങള്ക്ക് 25 ശതമാനം കിഴിവില് ഗോര്മേര് ഭക്ഷണം, സീറ്റുകള്, മുന്ഗണന സേവനങ്ങള് എന്നിവയും ലഭിക്കും. വിദ്യാര്ഥികള്, മുതിര്ന്ന പൗരര്, ഡോക്ടര്, നഴ്സ്, സായുധ സേനാംഗങ്ങള്, അവരുടെ ആശ്രിതര് എന്നിവര്ക്കും വെബ്സൈറ്റിലൂടെ പ്രത്യേക കിഴിവില് ടിക്കറ്റ് ബുക്ക് ചെയ്യാം.
<br>
TAGS : AIR INDIA
SUMMARY : Flash Sale on Air India Express; flight tickets for Rs. 1606
തിരുവനന്തപുരം: കേരള രാജ്യാന്തര ചലച്ചിത്രമേളയുടെ (ഐ.എഫ്.എഫ്.കെ) മുപ്പതാം പതിപ്പിന് വെള്ളിയാഴ്ച തിരുവനന്തപുരത്ത് തുടക്കമാകും. 12 മുതൽ 19 വരെ 26…
കൊല്ലം: കൊല്ലം അഞ്ചലിൽ ഓട്ടോയും ശബരിമല തീർത്ഥാടകരുടെ ബസും കൂട്ടി ഇടിച്ച് ഓട്ടോ ഡ്രൈവറും ഓട്ടോയിൽ സഞ്ചരിച്ച രണ്ട് യുവതികളും…
തിരുവനന്തപുരം: തദ്ദേശ സ്ഥാപനങ്ങളിലേക്കുള്ള അവസാനഘട്ട വോട്ടെടുപ്പ് ഇന്ന്. രാവിലെ ഏഴു മുതൽ വൈകുന്നേരം ആറു വരെയാണ് പോളിംഗ്. തൃശൂർ, പാലക്കാട്,…
ബെംഗളുരു: മൈസൂരു കാർമൽ കാത്തലിക് അസോസിയേഷൻ (സിസിഎ) സംഘടിപ്പിക്കുന്ന 33-ാ മത് ക്രിസ്മസ് കാരൾ കരോൾ 14ന് രാവിലെ 8.30ന്…
ബെംഗളൂരു: ഹൈബ്രിഡ് കഞ്ചാവടക്കമുള്ള 4.20 കോടിയുടെ മയക്കു മരുന്നുമായി ബെംഗളൂരുവിൽ മലയാളിയുൾപ്പെടെ മൂന്നുപേർ അറസ്റ്റിൽ. രണ്ടുകോടിയോളം വിലയുള്ള ഹൈബ്രിഡ് കഞ്ചാവുമായി…
ബെംഗളുരു: ബിന്ദു സജീവിന്റെ ആദ്യ കവിതാസമാഹാരമായ 'ഇരപഠിത്തം'ത്തിന്റെ പ്രകാശനം 14ന് രാവിലെ 10 മണിക്ക് ഇന്ദിരാനഗർ ഇസിഎ ഹാളിൽ നടക്കും.…