ഐ.എഫ്​.എഫ്​.കെ മുപ്പതാം പതിപ്പിന് നാളെ തുടക്കം; മുഹമ്മദ് റസൂലോഫ് ജൂറി ചെയര്‍പേഴ്‌സണ്‍

തി​രു​വ​ന​ന്ത​പു​രം: കേ​ര​ള രാ​ജ്യാ​ന്ത​ര ച​ല​ച്ചി​ത്ര​മേ​ള​യു​ടെ (ഐ.​എ​ഫ്.​എ​ഫ്.​കെ) മു​പ്പ​താം പ​തി​പ്പി​ന്​ വെ​ള്ളി​യാ​ഴ്ച തിരുവനന്തപുരത്ത്​ തു​ട​ക്ക​മാ​കും. 12 മു​ത​ൽ 19 വ​രെ 26 വ്യ​ത്യ​സ്ത വി​ഭാ​ഗ​ങ്ങ​ളി​ലാ​യി 82 രാ​ജ്യ​ങ്ങ​ളി​ൽ​നി​ന്നു​ള്ള 206 ചി​ത്ര​ങ്ങ​ളാ​ണ് പ്ര​ദ​ർ​ശി​പ്പി​ക്കു​ക. ആ​ൻ​മേ​രി ജാ​സി​ർ സം​വി​ധാ​നം ചെ​യ്ത ‘പ​ല​സ്തീ​ൻ 36’ ആ​ണ് ഉ​ദ്ഘാ​ട​ന ചി​ത്രം.

ഇ​ത്ത​വ​ണ​ത്തെ ലൈ​ഫ് ടൈം ​അ​ച്ചീ​വ്‌​മെ​ന്റ് പു​ര​സ്‌​കാ​രം ആ​ഫ്രി​ക്ക​ൻ സി​നി​മ​യു​ടെ വ​ക്താ​വും മൗ​റി​ത്താ​നി​യ​ൻ സം​വി​ധാ​യ​ക​നു​മാ​യ അ​ബ്ദു​റ​ഹ്മാ​നെ സി​സാ​ക്കോ​യ്ക്ക് ന​ൽ​കും. അ​ദ്ദേ​ഹ​ത്തി​ന്‍റെ ‘ടിം​ബു​ക്തു’, ‘ബ്ലാ​ക്ക് ടീ’ ​തു​ട​ങ്ങി​യ ശ്ര​ദ്ധേ​യ​മാ​യ അ​ഞ്ച് ചി​ത്ര​ങ്ങ​ൾ ‘ദ ​ഗ്ലോ​ബ​ൽ ഗ്രി​യോ​ട്ട്: സി​സാ​ക്കോ​സ് സി​നി​മാ​റ്റി​ക് ജേ​ർ​ണി’ എ​ന്ന പ്ര​ത്യേ​ക പാ​ക്കേ​ജി​ൽ പ്ര​ദ​ർ​ശി​പ്പി​ക്കും. ഈ​ജി​പ്ഷ്യ​ൻ സി​നി​മ​യു​ടെ ഇ​തി​ഹാ​സ​മാ​യ യൂ​സ​ഫ് ഷ​ഹീ​ന്‍റെ ജ​ന്മ​ശ​താ​ബ്ദി ആ​ഘോ​ഷി​ക്കു​ന്ന​തി​ന്‍റെ ഭാ​ഗ​മാ​യി അ​ദ്ദേ​ഹ​ത്തി​ന്‍റെ വി​ഖ്യാ​ത ചി​ത്ര​ങ്ങ​ളാ​യ ‘കെ​യ്‌​റോ സ്റ്റേ​ഷ​ൻ’, ‘അ​ല​ക്സാ​ണ്ട്രി​യ എ​ഗെ​യ്ൻ ആ​ൻ​ഡ് ഫോ​റെ​വ​ർ‘, ‘ദി ​അ​ദ​ർ’ എ​ന്നി​വ ഉ​ൾ​പ്പെ​ടു​ത്തി റി​ട്രോ​സ്‌​പെ​ക്ടി​വ് വി​ഭാ​ഗം ഒ​രു​ക്കി​യി​ട്ടു​ണ്ട്. ഇ​ന്ത്യ​ൻ സ​മാ​ന്ത​ര സി​നി​മ​യി​ലെ പ്ര​മു​ഖ​നാ​യ സ​യീ​ദ് മി​ർ​സ​യു​ടെ മൂ​ന്ന് ശ്ര​ദ്ധേ​യ ചി​ത്ര​ങ്ങ​ളും മേ​ള​യു​ടെ മു​ഖ്യ ആ​ക​ർ​ഷ​ണ​മാ​ണ്.

വികാരനിര്‍ഭരമായ കുടുംബ ബന്ധങ്ങളെ അവതരിപ്പിച്ച ആന്‍മേരി ജാസിറിന്റെ ‘വാജിബും’ ഇത്തവണ ഐ.എഫ്.എഫ്.കെ വേദിയില്‍ പ്രദര്‍ശിപ്പിക്കും. 2017-ല്‍ ചിത്രത്തിന് ഐ.എഫ്.എഫ്.കെയില്‍ സുവര്‍ണചകോരം ലഭിച്ചിരുന്നു. ഇ​ന്തോ​നേ​ഷ്യ​ൻ സംവിധായകന്‍ ഗാ​രി​ൻ നു​ഗ്രോ​ഹോ​യു​ടെ അ​ഞ്ച് ചി​ത്ര​ങ്ങ​ൾ ‘ക​ണ്ട​മ്പ​റ​റി ഫി​ലിം മേ​ക്ക​ർ ഇ​ൻ ഫോ​ക്ക​സ്’ വി​ഭാ​ഗ​ത്തി​ൽ പ്ര​ദ​ർ​ശ​ന​ത്തി​നെ​ത്തും. അ​ന്താ​രാ​ഷ്ട്ര മ​ത്സ​ര വി​ഭാ​ഗ​ത്തി​ൽ വി​വി​ധ രാ​ജ്യ​ങ്ങ​ളി​ൽ നി​ന്നു​ള്ള മി​ക​ച്ച ചി​ത്ര​ങ്ങ​ൾ സു​വ​ർ​ണ​ച​കോ​രം, ര​ജ​ത​ച​കോ​രം പു​ര​സ്‌​കാ​ര​ങ്ങ​ൾ​ക്കാ​യി മ​ത്സ​രി​ക്കും. ച​ല​ച്ചി​ത്ര​മേ​ള​യു​ടെ ഡെ​ലി​ഗേ​റ്റ്​ കി​റ്റ് വി​ത​ര​ണം വ്യാ​ഴാ​ഴ്ച രാ​വി​ലെ 11ന്​ ​ടാ​ഗോ​ർ തി​യ​റ്റ​റി​ൽ ആ​രം​ഭി​ക്കും. മ​ല​യാ​ള ച​ല​ച്ചി​ത്ര താ​രം ലി​ജോ​മോ​ൾ ജോ​സ് ആ​ദ്യ കി​റ്റ് ഏ​റ്റു​വാ​ങ്ങും.

വിഖ്യാത ഇറാനിയന്‍ സംവിധായകന്‍ മുഹമ്മദ് റസൂലോഫ് ആണ് 30ാമത് ഐ.എഫ്.എഫ്.കെയിലെ മല്‍സരവിഭാഗത്തിന്റെ ജൂറി ചെയര്‍പേഴ്‌സണ്‍. എഴുത്തുകാരനും പ്രസാധകനും ഫിലിം പ്രോഗ്രാമറുമായ ക്രിസ്റ്റഫര്‍ സ്‌മോള്‍, ഫിലിം, ടി.വി, പോപ് കള്‍ച്ചര്‍ നിരൂപകയും പ്രക്ഷേപകയുമായ അശാന്തി ഓംകാര്‍, ചലച്ചിത്രനിരൂപകയും കവിയും വിവര്‍ത്തകയുമായ അപരാജിത പൂജാരി എന്നിവരാണ് ഫിപ്രസ്‌കി ജൂറി അംഗങ്ങള്‍.

സംവിധായകനും എഡിറ്ററും സൗണ്ട് എഞ്ചിനിയറുമായ ഉപാലി ഗാംലത്, സംവിധായികയും നിര്‍മ്മാതാവുമായ സുപ്രിയ സൂരി, ചലച്ചിത്രനിരൂപകയും സാംസ്‌കാരിക വിമര്‍ശകയുമായ ഇഷിത സെന്‍ഗുപ്ത എന്നിവരാണ് നെറ്റ് പാക് ജൂറി അംഗങ്ങള്‍. തമിഴ് സംവിധായകന്‍ കെ.ഹരിഹരനാണ് കെ.ആര്‍. മോഹനന്‍ അവാര്‍ഡിന്റെ ജൂറി ചെയര്‍പേഴ്‌സണ്‍. ചലച്ചിത്രനിരൂപകയും വിവര്‍ത്തകയുമായ ലതിക പഡ്‌ഗോന്‍കര്‍, നടിയും എഴുത്തുകാരിയുമായ സജിത മഠത്തില്‍ എന്നിവരാണ് മറ്റ് അംഗങ്ങള്‍.
SUMMARY: The 30th edition of the IFFK begins tomorrow; Muhammad Rasuloff is the jury chairperson