വിമാന ദുരന്തത്തിന് പിന്നാലെ ഹോസ്റ്റല്‍ കെട്ടിടത്തിന്റെ മുകള്‍ നിലയില്‍ നിന്നും രക്ഷപെടാൻ ശ്രമിക്കുന്ന വിദ്യാര്‍ഥികളുടെ ദൃശ്യങ്ങള്‍ പുറത്ത്

അഹമ്മദാബാദ്: വിമാനം തകർന്നുവീണ ബി.ജെ ഗവണ്‍മെന്റ് മെഡിക്കല്‍ കോളേജ് കെട്ടിടത്തില്‍ നിന്ന് വിദ്യാർഥികളും ജീവനക്കാരും രക്ഷപ്പെടുന്നതിന്റെ ദൃശ്യങ്ങള്‍ പുറത്ത്. കെട്ടിടത്തില്‍ പതിച്ച വിമാനം അഗ്നിഗോളമായിരുന്നു. തീപിടിത്തത്തില്‍ നിന്ന് രക്ഷപ്പെടാൻ ആളുകള്‍ ശ്രമിക്കുന്നതാണ് ദൃശ്യങ്ങളിലുള്ളത്. 30 സെക്കൻഡ് ദൈർഘ്യമുള്ളതാണ് വീഡിയോ.

കത്തിയമർന്ന വിമാന അവശിഷ്‌ടങ്ങള്‍ക്കിടയില്‍ നിന്ന് യാത്രക്കാരനായ രമേശ് വിശ്വാസ് അത്ഭുതകരമായി രക്ഷപ്പെട്ട് പുറത്തുവരുന്ന ദൃശ്യങ്ങള്‍ പുറത്തുവന്നിരുന്നു. വിമാനം തകർന്നു വീണ് ആളിക്കത്തിയ മെഡിക്കല്‍ കോളേജ് ക്യാമ്പസിനുള്ളില്‍ നിന്ന് രമേശ് നടന്നു വരുന്നതാണ് ദൃശ്യങ്ങളിലുള്ളത്. തീ കാരണം അടുക്കാനാകാതെ മാറി നിന്ന ആളുകള്‍ അത്ഭുതത്തോടെ രമേശിനെ കാണുന്നതും കൂട്ടിക്കൊണ്ടുപോകുന്നതും കാണാം.

വിമാന അപകടത്തില്‍ കൊല്ലപ്പെട്ട 119 പേരുടെ മൃതദേഹങ്ങള്‍ കൂടി ഡി എൻ എ പരിശോധനയിലൂടെ തിരിച്ചറിഞ്ഞിട്ടുണ്ട്. എന്നാല്‍ ദുരന്തത്തില്‍ മരിച്ച മലയാളി രഞ്ജിത നായരുടെ മൃതദേഹം തിരിച്ചറിഞ്ഞിട്ടില്ല. അപകടത്തില്‍ മരിച്ച ഗുജറാത്ത് മുൻ മുഖ്യമന്ത്രി വിജയ് രുപാണിയുടെ മൃതദേഹം ഇന്നലെ രാജ്‌കോട്ടില്‍ ഔദ്യോഗിക ബഹുമതികളോടെ സംസ്‌കരിച്ചിരുന്നു.

SUMMARY: Footage of students trying to escape from the top floor of the hostel building following the plane crash has emerged