ബൈന്ദൂർ മുൻ എംഎൽഎ ബി.അപ്പണ്ണ ഹെഗ്ഡെ അന്തരിച്ചു

ബെംഗളൂരു: ബൈന്ദൂർ മുൻ എംഎൽഎ ബി.അപ്പണ്ണ ഹെഗ്ഡെ (91) അന്തരിച്ചു. ജനതാ പാർട്ടിയെ പ്രതിനിധീകരിച്ച് 1983 –85 വരെ എംഎൽഎയായിരുന്നു. കൊല്ലൂർ മൂകാംബിക ക്ഷേത്രം മുൻ അഡ്മിനിസ്ട്രേറ്റീവ് ട്രസ്റ്റി,ബസ്രൂർ മഹാലിംഗേശ്വര ക്ഷേത്രം എന്നിവയുടെ മാനേജിംഗ് കമ്മിറ്റി പ്രസിഡണ്ട് എന്നി നിലയില്‍  പ്രവർത്തിച്ചിട്ടുണ്ട്.

സാമൂഹ്യ രംഗത്ത് ഏറെ  സജീവമായിരുന്നു. കർഷക കുടുംബത്തിൽ ജനിച്ച അദ്ദേഹം 1968 –83 വരെ വില്ലേജ് പഞ്ചായത്ത് ചെയർമാനായിരുന്നു. അപ്പണ്ണയുടെ വിയോഗത്തിൽ ഒട്ടേറെ രാഷ്ട്രീയ നേതാക്കൾ അനുശോചിച്ചു.
SUMMARY: Former Byndoor MLA B. Appanna Hegde passes away