കാറുകൾ കൂട്ടിയിടിച്ച് അപകടം; ഒരു കുടുംബത്തിലെ നാല് പേർ മരിച്ചു

ബെംഗളൂരു: കാറുകൾ കൂട്ടിയിടിച്ചുണ്ടായ അപകടത്തിൽ നാല് പേർ മരിച്ചു. ഹാവേരി ബെല്ലിഗട്ടി ഗ്രാമത്തിന് സമീപമാണ് അപകടമുണ്ടായത്. ദേശീയ പാത 48ൽ ഹാവേരിയിൽ നിന്ന് ഹുബ്ബള്ളിയിലേക്ക് പോവുകയായിരുന്ന മഹീന്ദ്ര എസ് സ്യുവി 700 കാർ നിയന്ത്രണം വിട്ട് എതിർദിശയിൽ നിന്ന് വന്ന ടാറ്റ ആൾട്രോസ് കാറുമായി കൂട്ടിയിടിക്കുകയായിരുന്നു

ചാമരാജപേട്ട് സ്വദേശികളായ ചന്ദ്രമ്മ (59), മകൾ മീന (38), മീനയുടെ ഭർത്താവ് മഹേഷ് കുമാർ (41), മകൻ ധന്വീർ (11) എന്നിവരാണ് മരിച്ചത്. രണ്ട് പേർ സംഭവസ്ഥലത്തും മറ്റ് രണ്ട് പേർ ഹുബ്ബള്ളിയിലെ കിംസ് ആശുപത്രിയിൽ വെച്ചുമാണ് മരിച്ചത്.

ഹുബ്ബള്ളി ഭാഗത്തേക്ക് പോവുകയായിരുന്ന എസ് യുവി നിയന്ത്രണം വിട്ട് ഡിവൈഡറിൽ ഇടിച്ച ശേഷം ബെംഗളൂരുവിലേക്ക് വരികയായിരുന്ന ടാറ്റാ ആൾട്രോസിലേക്ക് കൂട്ടിയിടിക്കുകയായിരുന്നുവെന്ന് ഹാവേരി അഡീഷണൽ പോലീസ് സൂപ്രണ്ട് അൻഷുകുമാർ പറഞ്ഞു. സംഭവത്തിൽ ഹാവേരി പോലീസ് കേസെടുത്തു.

TAGS: KARNATAKA | ACCIDENT
SUMMARY: Four of family killed in car crash in Haveri