ഗാന്ധിജി ഒരു ചുക്കും ചെയ്തിട്ടില്ല; രാഷ്ട്രപിതാവിനെ അധിക്ഷേപിച്ച്‌ പി സി ജോര്‍ജ്

കോട്ടയം: രാഷ്ട്രപിതാവ് മഹാത്മാ ഗാന്ധിക്കെതിരെ അധിക്ഷേപ പരാമർശങ്ങളുമായി ബിജെപി നേതാവ് പി സി ജോർജ്. ഒരു ഓണ്‍ലൈൻ ചാനലിന് നല്‍കിയ അഭിമുഖത്തിലാണ് പി സി ജോർജ് ഗാന്ധിജിയെ വിമർശിച്ചത്. ഗാന്ധിജി സമരം നടത്തി ഇന്ത്യയ്ക്ക് സ്വാതന്ത്ര്യം നേടിക്കൊടുത്തുവെന്ന വാദം ‘മണ്ടത്തരമാണെന്ന്’ അദ്ദേഹം പറഞ്ഞു.

ബ്രിട്ടീഷുകാർ സ്വമേധയാ രാജ്യം വിട്ടുപോയതാണെന്നും ഗാന്ധിജി യാതൊരു സംഭാവനയും നല്‍കിയിട്ടില്ലെന്നുമായിരുന്നു ജോർജ്ജിന്റെ ആരോപണം. ഉപ്പുസത്യാഗ്രഹം വലിയ സമരമാണോയെന്നും അദ്ദേഹം ചോദിച്ചു. ഗാന്ധി ദൈവം തമ്പുരാനാണോയെന്നും പി സി ജോർജ് അഭിമുഖത്തില്‍ ചോദിക്കുന്നു.

ഗാന്ധിയുടെ ഔദാര്യത്തിലല്ല ഇന്ത്യക്ക് സ്വാതന്ത്ര്യം ലഭിച്ചത്. ബ്രിട്ടീഷുകാർ നിർത്തിപ്പോയതാണ്. ഗാന്ധിജി ഒരു ചുക്കും ചെയ്തിട്ടില്ല. രണ്ട് പെണ്‍കുട്ടികളുടെ തോളില്‍ കയ്യിട്ട് നടക്കുക മാത്രമാണ് ചെയ്തത്. ഉപ്പുസത്യാഗ്രഹം നടത്തിയെന്ന് പറയുന്നുണ്ട്. അത് വലിയ സമരമാണോയെന്നും പി സി ജോർജ് ചോദിച്ചു.

SUMMARY: Gandhiji did not commit any crime; PC George insults the Father of the Nation