തിരുവനന്തപുരം: സംസ്ഥാനത്ത് മുൻ സർക്കാർ മുന്നോട്ടുവച്ച സില്വർ ലൈൻ പദ്ധതിക്ക് പകരമായി പുതിയ അതിവേഗ റെയില് പാത നടപ്പാക്കാനുള്ള നീക്കങ്ങള് സജീവമാകുന്നു. പുതുതായി അധികാരത്തിലെത്തിയ സർക്കാർ ഈ പദ്ധതിയെ സംബന്ധിച്ച് ബദല് മാർഗങ്ങള് പരിശോധിക്കുകയാണ്. കേരളത്തിന്റെ വടക്കേ അറ്റം മുതല് തെക്കേ അറ്റം വരെ ബന്ധിപ്പിക്കുന്ന അതിവേഗ റെയില് പാതയാണ് ലക്ഷ്യമിടുന്നത്.
സില്വർ ലൈനിന് പകരമായി കൂടുതല് പ്രായോഗികമായ പദ്ധതി രൂപപ്പെടുത്തുന്നതിനാണ് ഇപ്പോഴത്തെ ശ്രമങ്ങള്. ഇതിന്റെ ഭാഗമായി പ്രമുഖ റെയില്വേ വിദഗ്ധൻ ഇ ശ്രീധരനുമായി മുഖ്യമന്ത്രി ഇന്ന് വൈകുന്നേരം തിരുവനന്തപുരത്ത് കൂടിക്കാഴ്ച നടത്തും. നേരത്തെ ഇ ശ്രീധരൻ മുന്നോട്ടുവച്ച ബദല് പാതാ നിർദ്ദേശങ്ങള് ഈ യോഗത്തില് പ്രധാന ചർച്ചാവിഷയമാകുമെന്നാണ് വിവരം. പദ്ധതിയുടെ സാങ്കേതിക സാധ്യതകളും ചെലവും ജനപിന്തുണയും ഉള്പ്പെടെയുള്ള വിഷയങ്ങള് ചർച്ചയില് ഉള്പ്പെടും.
SUMMARY: Government to implement high-speed rail instead of Silver Line project
