ബെംഗളൂരു: ബെംഗളൂരുവിനെ ഏഴു മുനിസിപ്പല്‍ കോര്‍പ്പറേഷനുകളായി വിഭജിക്കുന്ന ഗ്രേറ്റര്‍ ബെംഗളൂരു ഗവേണന്‍സ് ബില്‍ സര്‍ക്കാരിന് തിരിച്ചയച്ച് ഗവര്‍ണര്‍ താവര്‍ചന്ദ് ഗെലോട്ട്. സംസ്ഥാന നിയമസഭയുടെ ഇരുസഭകളും അടുത്തിടെ ബില്‍ പാസാക്കിയിരുന്നു. എന്നാല്‍ ബില്ലില്‍ അവ്യക്തത ഉണ്ടൈന്നും വിശദീകരണം ആവശ്യമാണെന്നും ചൂണ്ടിക്കാട്ടിയാണ് ബില്‍ ഗവര്‍ണര്‍ തിരിച്ചയച്ചത്.
ബിബിഎംപിയെ ഏഴ് മിനി കോര്‍പറേഷനുകളായി വിഭജിക്കാനാണ് ബില്ലിലെ പ്രധാന ശുപാര്‍ശ. ഒപ്പം മേയര്‍, ഡെപ്യൂട്ടി മേയര്‍ എന്നിവര്‍ക്ക് 30 മാസവും ചീഫ് കമ്മീഷണര്‍മാര്‍, സിറ്റി കമ്മീഷണര്‍മാര്‍ എന്നിവര്‍ക്ക് മൂന്നു വര്‍ഷവും കാലാവധിയാണ് ശുപാര്‍ശ ചെയ്യുന്നത്. കര്‍ണാടക മുനിസിപ്പല്‍ കോര്‍പറേഷന്‍ നിയമം 1976 പ്രകാരം, നിലവില്‍ ബിബിഎംപി മേയറുടെയും ഡെപ്യൂട്ടി മേയറുടെയും കാലാവധി 12 മാസമാണ്. ഭരണവും കാര്യക്ഷമതയും മെച്ചപ്പെടുത്തുക, അഴിമതി കുറയ്ക്കുക എന്നീ ലക്ഷ്യങ്ങളോടെയാണ് സര്‍ക്കാര്‍ നീക്കം.
ഗ്രേറ്റര്‍ ബെംഗളൂരു അതോറിറ്റിയുടെ അധ്യക്ഷന്‍ മുഖ്യമന്ത്രിയും ഉപാധ്യക്ഷന്‍ ബെംഗളൂരു വികസന വകുപ്പ് മന്ത്രിയുമാകും. കൂടാതെ, ഗ്രേറ്റര്‍ ബെംഗളൂരു അതോറിറ്റിയുടെ പരിധിയിലുളള എംഎല്‍എമാര്‍, എംപിമാര്‍, ഏഴ് മേയര്‍മാരും ബിഎംആര്‍സിഎല്‍, ബിഡബ്ലുഎസ്എസ്ബി, ബിഡിഎ തുടങ്ങിയ ഏജന്‍സികളുടെ തലവന്മാര്‍ എന്നിവര്‍ അംഗങ്ങളാകും. അധികാരം ഒരാളിലേക്ക് കേന്ദ്രീകരിക്കുന്നത് വ്യാപക അഴിമതിക്കും സുതാര്യതയില്ലായ്മക്കും കാരണമാകും.
അധികാര വികേന്ദ്രീകരണം നടന്നില്ലെങ്കില്‍ അഴിമതി കൂടുമെന്നും അതിനാലാണ് ബിബിഎംപിയെ ഒന്നിലേറെ കോര്‍പറേഷനുകളായി വിഭജിക്കാന്‍ ബില്‍ പാസാക്കിയതെന്നും നിയമ, പാര്‍ലമെന്ററി കാര്യ മന്ത്രി എച്ച്.കെ പാട്ടീല്‍ പറഞ്ഞു. ഏകോപനം മെച്ചപ്പെടുത്തുന്നതിന്റെ ഭാഗമായാണ് മേയറുടെ കാലാവധി വര്‍ധിപ്പിച്ചതെന്നും, ഗവര്‍ണര്‍ക്ക് വിശദീകരണ റിപ്പോര്‍ ഏപ്രില്‍ ആദ്യവാരത്തിനകം നല്‍കുമെന്നും അദ്ദേഹം കൂട്ടിച്ചേര്‍ത്തു.
TAGS: BENGALURU | BBMP
SUMMARY: Karnataka Guv returns Greater Bengaluru Governance Bill for clarifications
തിരുവനന്തപുരം: സംസ്ഥാനത്ത് കനത്ത മഴ തുടരുന്ന സാഹചര്യത്തിൽ മൂന്ന് ജില്ലകളിൽ ഇന്ന് റെഡ് അലർട്ട്. വയനാട്, കണ്ണൂർ, കാസറഗോഡ് ജില്ലകളിലാണ്…
വാഷിങ്ടൺ: പഹൽഗാം ഭീകരാക്രമണം ആസൂത്രണം ചെയ്ത ദി റെസിസ്റ്റൻസ് ഫ്രണ്ടിനെ (ടി.ആർ.എഫ്) ആഗോള ഭീകരസംഘടനയായി പ്രഖ്യാപിച്ച് അമേരിക്ക. യു.എസ് സ്റ്റേറ്റ്…
ബെംഗളൂരു: ദ്രാവിഡഭാഷാ വിവർത്തക അസോസിയേഷൻ വിവർത്തന പുരസ്കാരത്തിന് കൃതികൾ ക്ഷണിച്ചു. മലയാളം, തെലുഗു, തമിഴ്, തുളു ഭാഷകളിൽനിന്ന് കന്നഡയിലേക്ക് വിവർത്തനം…
ബെംഗളൂരു: ഹൊറമാവ്-കാൽക്കരെ മേഖലയിലെ ഫുട്‌ബോൾ പ്രേമികൾ സംഘടിപ്പിക്കുന്ന ഫയർസ്റ്റോമേഴ്‌സ് പ്രീമിയർലീഗിന്റെ രണ്ടാംപതിപ്പിന് നാളെ തുടക്കമാകും. ശനി, ഞായർ ദിവസങ്ങളിലായി രാവിലെ…
ബെംഗളൂരു: വൈക്കം മുഹമ്മദ് ബഷീറിന്റെ കഥാപാത്രങ്ങളെ പ്രമേയമാക്കി രാജീവ്‌ കൃഷ്ണന്‍ ഇംഗ്ലീഷിൽ ഒരുക്കിയ നാടകം 'അണ്ടർ ദ് മാംഗോസ്റ്റീൻ ട്രീ'…
ബെംഗളൂരു: സക്ലേശ്പുരയില്‍ കർണാടക ആർടിസി ബസുകൾ തമ്മിൽ കൂട്ടിയിടിച്ചുണ്ടായ അപകടത്തിൽ യാത്രക്കാർക്ക് പരുക്ക്. സ്കൂൾ, കോളേജ് വിദ്യാർഥികൾ ഉൾപ്പടെയുള്ള യാത്രക്കാർക്കാണ്…