ബെംഗളൂരു: ഉത്സവങ്ങൾ, വിവാഹങ്ങൾ, വിവാഹ വാർഷികങ്ങൾ, ജന്മദിനം, ദേശീയ അവധികൾ, സംസ്ഥാന രൂപീകരണ ദിനങ്ങൾ തുടങ്ങിയ വിശേഷാവസരങ്ങളിൽ സർക്കാർ സ്കൂൾ വിദ്യാർഥികൾക്ക് പ്രത്യേക ഭക്ഷണ മെനു ലഭ്യമാക്കുമെന്ന് സംസ്ഥാന സർക്കാർ അറിയിച്ചു. ഒന്ന് മുതൽ പത്താം ക്ലാസ് വരെയുള്ള വിദ്യാർഥികൾക്കാണ് പ്രത്യേക ഭക്ഷണ വിഭവങ്ങൾ നൽകുക. പിഎം പോഷൻ പരിപാടിയുടെ ഭാഗമാണ് സംരംഭം.
എൻജിഒകൾ, വ്യവസായികൾ, ബിസിനസ്സ്, ട്രേഡ് കമ്മ്യൂണിറ്റി അംഗങ്ങൾ, മാതാപിതാക്കൾ, പ്രാദേശിക നേതാക്കൾ എന്നിവർക്ക് ഭക്ഷണം സ്പോൺസർ ചെയ്യാൻ സാധിക്കും. പ്രൈമറി വിദ്യാർഥികൾക്ക് 450 കലോറിയും 12 ഗ്രാം പ്രോട്ടീനും അപ്പർ പ്രൈമറി വിദ്യാർഥികൾക്ക് 750 കലോറിയും 20 ഗ്രാം പ്രോട്ടീനും നൽകുന്ന സ്പെഷ്യൽ മീൽ മെനു ദേശീയ ഭക്ഷ്യസുരക്ഷാ നിയമത്തിൻ്റെ പോഷക മാനദണ്ഡങ്ങൾ പാലിക്കണമെന്ന് സർക്കാർ വ്യക്തമാക്കി.
പ്രാദേശികമായി ലഭ്യമായ ഇലക്കറികൾ, പയർവർഗ്ഗങ്ങൾ, തിനകൾ, സീസണൽ പഴങ്ങൾ എന്നിവയ്ക്ക് ഭക്ഷണ മെനുവിൽ മുൻഗണന നൽകണം. പുതിയ ഇനം പച്ചക്കറികളും ഉപയോഗിക്കാം. ഭക്ഷണം സൂക്ഷിക്കുമ്പോഴും തയ്യാറാക്കുമ്പോഴും വിളമ്പുമ്പോഴും കർശനമായ ശുചിത്വ മാനദണ്ഡങ്ങൾ പാലിക്കേണ്ടതുണ്ട്. സുരക്ഷിതമായ കുടിവെള്ളം മാത്രമേ ഉപയോഗിക്കാവൂ.
ജങ്ക് ഫുഡ് ഉപഭോഗം മൂലം കുട്ടികൾക്കുണ്ടാകുന്ന ആരോഗ്യപ്രശ്‌നങ്ങൾ വിദ്യാഭ്യാസ വകുപ്പ് ഗൗരവത്തോടെയാണ് കാണുന്നതെന്ന് മുഖ്യമന്ത്രി സിദ്ധരാമയ്യ പറഞ്ഞു. പ്രത്യേക ഭക്ഷണ മെനുവിൽ നൂഡിൽസ്, ചിപ്‌സ്, ചോക്ലേറ്റുകൾ, മറ്റ് ജങ്ക് ഫുഡുകൾ എന്നിവ അനുവദനീയമല്ല, പഴകിയ ഭക്ഷണം നൽകരുത്. വിദ്യാർത്ഥികൾക്ക് ഭക്ഷണം വിളമ്പുന്നതിന് മുമ്പ് അധ്യാപകരും പാചകക്കാരും ഭക്ഷണം രുചിച്ച് നോക്കണമെന്നും അദ്ദേഹം നിർദേശചിച്ചു. ഓരോ വർഷവും 100 പ്രത്യേക ഭക്ഷണ പരിപാടികൾ വരെ സ്കൂളുകൾക്ക് സംഘടിപ്പിക്കാമെന്നും അദ്ദേഹം കൂട്ടിച്ചേർത്തു.
TAGS: KARNATAKA | SCHOOLS
SUMMARY: Special Day Celebrations: Festive meals in Karnataka schools!
നിലമ്പൂര്‍: വോട്ടെണ്ണലിനു മണിക്കൂറുകൾ മാത്രം ശേഷിക്കെ യുഡിഎഫ് ക്രോസ് വോട്ട് ചെയ്തുവെന്ന ആരോപണവുമായി പി.വി. അൻവർ. തനിക്ക് ലഭിക്കേണ്ടിയിരുന്ന പതിനായിരത്തോളം…
ടെഹ്റാൻ: ആണവകേന്ദ്രങ്ങളിലെ അമേരിക്കൻ ആക്രമണത്തിന് പിന്നാലെ ഇറാൻ വിദേശകാര്യമന്ത്രി അബ്ബാസ് അരാഗ്ചി റഷ്യയിലേക്ക്. റഷ്യൻ പ്രസിഡന്റ് വ്ലാഡിമിർ പുട്ടിനുമായി തിങ്കളാഴ്ച…
പാലക്കാട്: കപ്പൂര്‍ വട്ടകുന്നിൽ ബൈക്കിൽ വന്ന യുവതിയെയും യുവാവിനെയും സദാചാര പോലീസ് ചമഞ്ഞ് ചോദ്യം ചെയ്തു മർദിച്ചസംഭവത്തില്‍ രണ്ടു പേർ…
ടെഹ്റാന്‍: പശ്ചിമേഷ്യയിലെ സംഘര്‍ഷം പുതിയതലത്തിലേക്ക് മാറുന്നു. ലോകത്തിലെ ഏറ്റവും നിര്‍ണായകമായ എണ്ണ ഇടനാഴിയായ ഹോര്‍മുസ് കടലിടുക്ക് അടക്കാന്‍ അടിയന്തരമായി ചേര്‍ന്ന…
കൊച്ചി: നിലമ്പൂരിലെ എല്‍ഡിഎഫ് സ്ഥാനാര്‍ത്ഥി എം സ്വരാജിനെ അനുകൂലിച്ച് ഫേസ്ബുക്കില്‍ പോസ്റ്റിട്ട എഴുത്തുകാരി ഹണി ഭാസ്‌കറിന് നേരെ അസഭ്യപ്രയോഗം നടത്തിയയാള്‍…
തിരുവനന്തപുരം: നാളെ സംസ്ഥാന വ്യാപകമായി വിദ്യാഭ്യാസ ബന്ദ് പ്രഖ്യാപിച്ച് എബിവിപി. സംസ്ഥാന സർക്കാർ പിഎം ശ്രീ പദ്ധതിയിൽ ഒപ്പ് വെക്കണമെന്ന്…