ബെംഗളൂരു: മംഗളൂരുവിലെ പാണ്ഡേശ്വറിൽ പ്രായപൂർത്തിയാകാത്ത വിദ്യാർഥികളെ ജാതി പറഞ്ഞ് അധിക്ഷേപിക്കുകയും മർദിക്കുകയും ചെയ്ത സംഭവത്തില്‍ അച്ഛനെയും മകനെയും പോലീസ് അറസ്റ്റ് ചെയ്തു. ബാബുഗുഡ്ഡെ സ്വദേശികളായ സ്റ്റീവൻ മോണ്ടീറോ (56), മകൻ ആവിൻ (21) എന്നിവരെയാണ് മംഗളൂരു സിറ്റി സൗത്ത് പോലീസ് അറസ്റ്റ് ചെയ്തത്.
ഫെബ്രുവരി 25 നാണ് കേസിനാസ്പദമായ സംഭവം. മുളിഹിത്‍ലു സ്വദേശിയായ സ്കൂൾ വിദ്യാർഥിയും സഹപാഠിയായ വിദ്യാർഥിനിയും ബാബുഗുഡ്ഡെ പ്രദേശത്തെ റെയിൽവേ ട്രാക്കിനു സമീപം സംസാരിക്കുമ്പോൾ പ്രതികൾ അവിടെയെത്തി വിദ്യാർഥികളോടു ജാതി ചോദിച്ച് അധിക്ഷേപിക്കുകയും ആൺകുട്ടിയെ മർദിക്കുകയും ചെയ്തു. ദൃശ്യങ്ങൾ പ്രതികൾതന്നെ ഫോണിൽ പകർത്തി സമൂഹമാധ്യമങ്ങളിൽ പ്രചരിപ്പിച്ചു. തുടർന്ന് ആൺകുട്ടി പിതാവുമായെത്തി പോലീസിൽ പരാതി നൽകുകയായിരുന്നു.ഭാരതീയ ന്യായ സംഹിതയിലെ വിവിധ വകുപ്പുകള്‍ ചേര്‍ത്താണ് പോലീസ് കേസെടുത്തത്.
SUMMARY: He was insulted and beaten on the basis of caste; Father and son arrested
