ദുരഭിമാനക്കൊലപാതകം; ഇതര ജാതിക്കാരിയായ പെൺകുട്ടിയെ പ്രണയിച്ചതിന് ദളിത് വിദ്യാർഥിയെ മർദ്ദിച്ചു കൊന്നു

ബെംഗളൂരു : കർണാടകയിലെ ബീദറിൽ ഇതരജാതിയിൽപ്പെട്ട പെൺകുട്ടിയുമായി പ്രണയിച്ചതിന് 19-കാരനായ ദളിത് വിദ്യാർഥിയെ മർദ്ദിച്ചുകൊന്നു. കമലാ നഗറിലെ കോളേജിൽ ബി.എസ്.സി. വിദ്യാർഥിയായ സുമിത്ത് (19) ആണ് കൊല്ലപ്പെട്ടത്. സംഭവത്തിൽ പെൺകുട്ടിയുടെ അച്ഛനെയും സഹോദരനെയും പോലീസ് അറസ്റ്റുചെയ്തു. ബീദറിലെ രക്ഷ്യാൽ സ്വദേശി രാഹുൽ, രാഹുലിന്റെ അച്ഛൻ കൃഷ്ണറാവു എന്നിവരാണ് അറസ്റ്റിലായത്.

കഴിഞ്ഞ ദിവസം പെണ്‍കുട്ടി മാത്രമുള്ള സമയത്ത് വീട്ടില്‍ എത്തിയതിനെ തുടര്‍ന്നായിരുന്നു മര്‍ദ്ദനം. പിന്നീട് ആളൊഴിഞ്ഞസ്ഥലത്ത് സുമിത്തിനെ ഉപേക്ഷിക്കുകയായിരുന്നു. ഗുരുതരമായി പരുക്കേറ്റ സുമിത്തിനെ ആശുപത്രിയില്‍ പ്രവേശിപ്പിച്ചെങ്കിലും ചികിത്സയ്ക്കിടെ ചൊവ്വാഴ്ച രാത്രിയോടെ സുമിത്ത് മരണപ്പെടുകയായിരുന്നു. കുഷ്ണൂർ പോലീസാണ് പ്രതികളെ അറസ്റ്റുചെയ്തത്. സംഭവത്തിൽ ദളിത് സംഘടനകൾ പ്രതിഷേധിച്ചു.
<BR>
TAGS : HONOR KILLING | BIDAR
SUMMARY : Honor killing: Dalit student beaten to death for falling in love with a girl from another caste