▪️ ദർശൻ എച്ച്.വി., മുല്ലൈ മുഹിലൻ
ബെംഗളൂരു: സംസ്ഥാനത്ത് ഐഎഎസ് തലപ്പത്ത് അഴിച്ചുപണി. ദക്ഷിണ കന്നഡ, ഉഡുപ്പി എന്നിവയുൾപ്പെടെ സംസ്ഥാനത്തെ നിരവധി ജില്ലകളിലെ ഡെപ്യൂട്ടി കമ്മീഷണര്‍മാരെ (ഡി.സി) പുനര്‍വിന്യസിച്ച് പേഴ്‌സണൽ ആൻഡ് അഡ്മിനിസ്ട്രേറ്റീവ് റിഫോംസ് വകുപ്പ് (ഡിപിഎആർ) വിജ്ഞാപനം പുറത്തിറക്കി.
ദക്ഷിണ കന്നഡ ജില്ലയുടെ പുതിയ ഡെപ്യൂട്ടി കമ്മീഷണറായി ദർശൻ എച്ച് വി ഐഎഎസിനെ നിയമിച്ചു. നിലവിലെ ഡി.സി മുല്ലൈ മുഹിലന് ബെംഗളൂരുവിലെ ഇൻസ്‌പെക്ടർ ജനറൽ ഓഫ് രജിസ്ട്രേഷൻ ആൻഡ് സ്റ്റാമ്പ്‌സ് കമ്മീഷണറുടെ ചുമതല നല്‍കി. ദർശൻ എച്ച് വി. നേരത്തെ ബെംഗളൂരുവിൽ വാണിജ്യ നികുതി അഡീഷണൽ കമ്മീഷണറായി (സർവീസ് അനാലിസിസ് വിംഗ്) ചുമതല വഹിക്കുകയായിരുന്നു.
സ്വരൂപ ടി.കെ. ഐ.എ.എസിനെ ഉഡുപ്പി ഡെപ്യൂട്ടി കമ്മീഷണറായി നിയമിച്ചു. സ്വരൂപ ടി.കെ.ബെംഗളൂരുവിൽ ഇ-ഗവേണൻസ്, ഗ്രാമവികസനം, പഞ്ചായത്ത് രാജ് വകുപ്പ് ഡയറക്ടരുടെ ചുമതല വഹിക്കുകയായിരുന്നു.
ബാഗൽകോട്ട് ഡെപ്യൂട്ടി കമ്മീഷണറായ ജാനകി കെ എം, ഐഎഎസ് ബെംഗളൂരുവിലെ കർണാടക പബ്ലിക് സർവീസ് കമ്മീഷൻ സെക്രട്ടറിയായി നിയമിതയായി. നിലവില്‍ ചുമതല വഹിച്ചിരുന്ന ഡോ. വിശാൽ ആർ, ഐഎഎസിന് പകരമായാണ് അവർ നിയമിതയായത്.
ഹാസൻ ഡെപ്യൂട്ടി കമ്മീഷണറായ സത്യഭാമ സി, ഐഎഎസ് സമഗ്ര ശിക്ഷണ കർണാടക, ബെംഗളൂരുവിന്റെ സ്റ്റേറ്റ് പ്രോജക്ട് ഡയറക്ടറായി നിയമിതയായി. ബെംഗളൂരു അർബനിലെ ജില്ലാ പഞ്ചായത്ത് സിഇഒ ലത കുമാരി കെ എസ്, ഐഎഎസ് ആണ് ഹാസനിലെ പുതിയ ഡി.സി. ബിബിഎംപിയിലെ സ്പെഷ്യൽ കമ്മീഷണറായ ഡോ. അവിനാശ് മേനോൻ രാജേന്ദ്രൻ ബെംഗളൂരുവിലെ നാഷണൽ ഹെൽത്ത് മിഷൻ ആൻഡ് ഡയറക്ടറേറ്റ് ഓഫ് ഹെൽത്ത് മിഷൻ ഡയറക്ടറായി നിയമിതനായി.
കൊപ്പൽ ഡെപ്യൂട്ടി കമ്മീഷണറായ നളിനി അതുൽ, ഐഎഎസ് കല്യാണ കർണാടക മേഖല വികസന ബോർഡ് സെക്രട്ടറിയായും കലബുറഗിയിലെ ഗവൺമെന്റ്, പ്ലാനിംഗ്, പ്രോഗ്രാം മോണിറ്ററിംഗ് & സ്റ്റാറ്റിസ്റ്റിക്സ് വകുപ്പിന്റെ എക്സ്-ഒഫീഷ്യോ ജോയിന്റ് സെക്രട്ടറിയായും നിയമിച്ചു.
SUMMARY: IAS reshuffle; Darshan HV is the new Deputy Commissioner of Dakshina Kannada
ആധാർ പുതുക്കാനും തിരുത്താനുമുള്ള നിരക്ക് പരിഷ്കരിച്ച് യുണീക് ഐഡന്‍റിഫിക്കേഷൻ അതോറിറ്റി ഓഫ് ഇന്ത്യയുടെ (യുഐഡിഎഐ) ഉത്തരവിറങ്ങി. ആധാറിലെ പേര്, ജനനത്തീയതി,…
മലപ്പുറം: തിരൂരില്‍ സ്വകാര്യ ബസുകള്‍ക്കിടയിൽപ്പെട്ട് കൈയ്ക്ക് പരുക്കേറ്റ എട്ടാം ക്ലാസ് വിദ്യാർഥിയുടെ വിരല്‍ അറ്റു. പറവണ്ണ മുറിവഴിക്കലിൽ കഴിഞ്ഞ ദിവസമാണ്…
ബെംഗളൂരു: വിമാനത്തിന്റെ ശൗചാലയമെന്ന് കരുതി കോക്പിറ്റില്‍ പ്രവേശിക്കാന്‍ ശ്രമിച്ച യാത്രക്കാരന്‍ അറസ്റ്റില്‍. ഇന്ന് രാവിലെ എട്ടുമണിക്ക് ബെംഗളൂരുവിൽ നിന്ന് പുറപ്പെട്ട്…
ബെംഗളൂരു: പൂജാ അവധി, ശബരിമല തീർഥാടനം എന്നിവയുമായി ബന്ധപ്പെട്ട യാത്രാ തിരക്ക് പരിഗണിച്ച് ഹുബ്ബള്ളിയില്‍ നിന്ന് ബെംഗളൂരു വഴി കൊല്ലത്തേക്ക്…
ബെംഗളൂരു: മൈസൂരു ദസറയ്ക്ക് തുടക്കം. എഴുത്തുകാരിയും ബുക്കർ പുരസ്കാര ജേതാവുമായ ബാനു മുഷ്താഖ് ദസറ ഉദ്ഘാടനം ചെയ്തു. മൈസൂരിലെ ആരാധനാദേവതയായ…
ന്യൂഡൽഹി: ഡല്‍ഹി കലാപ ഗൂഢാലോചന കേസില്‍ വിദ്യാർഥി നേതാവ് ഉമർ ഖാലിദ് അടക്കമുള്ളവരുടെ ജാമ്യ ഹർജിയില്‍ സുപ്രീംകോടതി ഡല്‍ഹി പോലീസിന്…