മലപ്പുറം: എക്സിറ്റ് പോള്‍ പ്രവചനങ്ങള്‍ പുറത്തുവന്നതിന് പിന്നാലെ മന്ത്രി മുഹമ്മദ് റിയാസിനെതിരെ രൂക്ഷമായ വെല്ലുവിളിയുമായി പി.വി. അൻവർ. ബേപ്പൂർ മണ്ഡലത്തില്‍ എല്‍ഡിഎഫ് പരാജയപ്പെട്ടാല്‍ താൻ മൊട്ടയടിച്ച്‌ കാതില്‍ കമ്മലിട്ട് മാനാഞ്ചിറ വഴി നടക്കുമെന്നും, സമാനമായ വെല്ലുവിളി ഏറ്റെടുക്കാൻ റിയാസ് തയ്യാറുണ്ടോ എന്നും അൻവർ ചോദിച്ചു.
ഭരണത്തിലും പാർട്ടിയിലും മുഹമ്മദ് റിയാസ് പുലർത്തുന്ന അപ്രമാദിത്വത്തില്‍ സിപിഐഎം പ്രവർത്തകർക്കിടയില്‍ വലിയ അമർഷമുണ്ട്. കോഴിക്കോട് ജില്ലയില്‍ പാർട്ടിക്ക് തിരിച്ചടിയുണ്ടാകുന്നത് റിയാസ് കാരണമാണ് അന്‍വര്‍ പറഞ്ഞു. റിയാസിന്റെ ശൈലിയില്‍ പ്രതിഷേധിച്ച്‌ ബേപ്പൂരിലെ പ്രചാരണ പരിപാടികളില്‍ നിന്ന് സിപിഐഎം പ്രവർത്തകർ പോലും വിട്ടുനിന്നതായി അൻവർ ആരോപിച്ചു. സംസ്ഥാനത്ത് പിണറായിസത്തിനെതിരായ തരംഗം ആഞ്ഞടിച്ചു. ന്യൂനപക്ഷ വോട്ടുകള്‍ എല്‍ഡിഎഫിന് എതിരായെന്നും സിപിഐഎം വോട്ടുകള്‍ വ്യാപകമായി ചോർന്നെന്നും അദ്ദേഹം കൂട്ടിചേർത്തു.
SUMMARY: If I lose in Beypore, I will shave my head and wear earrings; PV Anwar challenges
