ടെൽ അവീവ്: ഇറാന്റെ മിസൈല് വര്ഷത്തില് ശക്തമായ നാശം നേരിട്ടതോടെ ഇറാന് പരമോന്നത ആത്മീയ നേതാവ് ആയത്തുല്ല അലി ഖാംനഈയെ കൊല്ലുക തന്നെ ചെയ്യുമെന്ന് ഭീഷണിപ്പെടുത്തി ഇസ്രയേൽ രംഗത്ത്. ഇറാന് ഏകാധിപതിയുമായി ചര്ച്ചയില്ലെന്നും ഖാംനഈ ജീവിച്ചിരിക്കരുതെന്നും ഇസ്രയേൽ പ്രതിരോധമന്ത്രി ഇസ്രയേൽ കാറ്റ്സ് ഭീഷണിമുഴക്കി. തലസ്ഥാന നഗരമായ ടെൽ അവീവിൽ ഉൾപ്പെടെ അഞ്ചോളം സ്ഥലങ്ങളിൽ ഇറാന്റെ മിസൈലാക്രമണം നടന്നതിനുപിന്നാലെയാണ് പരസ്യ ഭീഷണി.
പശ്ചിമേഷ്യയിൽ ഇസ്രയേൽ കൊളുത്തിയ സംഘർഷത്തിന് മറുപടിയെന്നോണമാണ് ഇന്ന് ഇസ്രയേലി നഗരങ്ങളിൽ ഇറാൻ വ്യോമാക്രമണം നടത്തിയത്. ടെൽ അവീവ്, രാമത് ഗാൻ, ഹൂളൻ തുടങ്ങിയ സ്ഥലങ്ങളിൻ നാശനഷ്ടമുണ്ടായി. തെക്കൻ ഇസ്രയേൽ നഗരത്തിലെ സൊറോക മെഡിക്കൽ കോളേജ് ആശുപത്രിക്ക് വൻ നാശനഷ്ടമുണ്ടായതായും മുപ്പതിലേറെപ്പേർക്ക് പരുക്കേറ്റതായും റിപ്പോർട്ടുകളുണ്ട്.
ഖാംനഈയെ കണ്ടെത്താനും ഇല്ലാതാക്കാനും ഇസ്രയേൽ പ്രതിരോധസേന (ഐഡിഎഫ്) കിണഞ്ഞു പരിശ്രമിക്കുന്നുണ്ടെന്നും നിലവിൽ ഇസ്രയേലിനെകിരെ നടക്കുന്ന ആക്രമണങ്ങൾക്കെല്ലാം നേതൃത്വം നൽകുന്നത് ഖമനേയിയാണെന്നും കാറ്റ്സ് ആരോപിച്ചു. ഭീരുവായ ഇറാനിയൻ സ്വേച്ഛാധിപതിയെന്ന് ഖമനേയിയെ വിശേഷിപ്പിച്ച കാറ്റ്സ് ഇറാനിലെ ആക്രമണങ്ങളുടെ തീവ്രത വർധിപ്പിക്കാൻ പ്രധാനമന്ത്രിയും താനും സൈന്യത്തിനു നിർദേശം നൽകിയതായും കൂട്ടിച്ചേർത്തു.
അമേരിക്ക ഇസ്രയേലിന് നല്കിവരുന്ന സഹായത്തിന് നന്ദിയുണ്ടെന്നും കാറ്റ്സ് പറഞ്ഞു. ഇസ്രയേലിനെ നശിപ്പിക്കുമെന്ന് ഖാംനഈ നേരത്തേ തുറന്നുപറഞ്ഞതാണ്. ആശുപത്രികള് ആക്രമിക്കാന് അദ്ദേഹം വ്യക്തിപരമായി നിര്ദേശം നല്കിയതാണ്. ഇസ്രയേലിനെ തകര്ക്കുന്നത് ഒരു നേട്ടമായാണ് ഖാംനഈ കാണുന്നത്. അങ്ങനെയൊരാളെ ഇനി നിലനില്ക്കാന് അനുവദിക്കില്ല. ഖാംനഈ ആധുനിക ഹിറ്റ്ലറാണെന്നും കാറ്റ്സ് തെല് അവീവില് മാധ്യമങ്ങളോട് പറഞ്ഞു.
SUMMARY: Israeli Defense Minister Threatens to Assassinate Khamenei
സന: തുറമുഖ നഗരമായ മുഖല്ലയ്ക്ക് നേരെയുണ്ടായ സൗദി അറേബ്യയുടെ ആക്രമണത്തിന് പിന്നാലെ യെമനിൽ അടിയന്തരാവസ്ഥ പ്രഖ്യാപിച്ചു .ചൊവ്വാഴ്ചയാണ് മുകല്ലയ്ക്ക് നേരെ…
ബെംഗളൂരു: സത്യം മറയ്ച്ചു, പകരം വികാരം വിശ്വാസം ആചാരം എന്നിവയെ പ്രതിഷ്ഠിച്ചു വെറുപ്പും വിദ്വേഷവുംപ്രചരിപ്പിക്കുന്നഹൃദയശൂന്യമായ കാല ത്തെയാണ് "സത്യാനന്ത രകാല"മെന്നു വിവക്ഷിക്കപ്പെടുന്നതെന്നും,…
കണ്ണൂര്: മുന് ധർമടം എംഎല്എയും മുതിര്ന്ന സിപിഐഎം നേതാവുമായ കെ കെ നാരായണന് അന്തരിച്ചു. 77 വയസായിരുന്നു. മുണ്ടലൂർ എൽപി…
കോഴിക്കോട്: കരിപ്പൂർ വിമാനത്താവളത്തിലെ കാഴ്ചകൾ കാണാൻ സുഹൃത്തുക്കൾക്കൊപ്പം എത്തിയ യുവാവ് വെങ്കുളത്ത് വ്യൂ പോയിന്റിൽനിന്നു വീണു മരിച്ചു. മലപ്പുറം മുണ്ടുപറമ്പ്…
തൃശൂര്: അതിരപ്പിള്ളി വെള്ളച്ചാട്ടത്തിന് സമീപം പുഴയില് കുടുങ്ങിയ സഞ്ചാരികളെ സുരക്ഷിതമായി കരയ്ക്കെത്തിച്ചു. പുഴയില് പെട്ടെന്ന് വെള്ളം ഉയര്ന്നതോടെ വിനോദയാത്രികര് പുഴയ്ക്ക്…
തിരുവനന്തപുരം: പുതുവത്സരാഘോഷങ്ങളുടെ ഭാഗമായി സംസ്ഥാനത്ത് ബാറുകളുടെ പ്രവർത്തന സമയം നീട്ടി സർക്കാർ. ഡിസംബർ 31 ബുധനാഴ്ച ബാറുകള്ക്ക് രാത്രി 12…