ബെംഗളൂരുവില്‍ നിന്നും കോട്ടയത്തേക്ക് കര്‍ണാടക ആര്‍ടിസിയുടെ അംബാരി ഉത്സവ് എ.സി സ്ലീപ്പർ വോൾവോ ബസ്; ഡിസംബര്‍ ഒന്ന് മുതല്‍ സര്‍വീസ് 

ബെംഗളൂരു: ബെംഗളൂരുവില്‍ നിന്നും കോട്ടയത്തേക്ക്  അംബാരി ഉത്സവ് എ.സി സ്ലീപ്പർ വോൾവോ മൾട്ടി ആക്‌സിൽ ബസ് സർവീസ് ആരംഭിക്കാനൊരുങ്ങി കര്‍ണാടക ആര്‍ടിസി. ഡിസംബര്‍ ഒന്ന് മുതല്‍ ബെംഗളൂരുവില്‍ നിന്നും സര്‍വീസ് തുടങ്ങും.

ശാന്തിനഗർ ബസ് സ്റ്റേഷനിൽ നിന്ന് വൈകിട്ട് 6. 30 ന് പുറപ്പെടുന്ന ബസ് അടുത്ത ദിവസം രാവിലെ 6 ന് കോട്ടയത്ത് എത്തിച്ചേരും. കോട്ടയയത്ത് നിന്നും വൈകിട്ട് 7:45 തിരിക്കുന്ന ബസ് അടുത്ത ദിവസം രാവിലെ 5:45 നും ബെംഗളൂരുവില്‍ എത്തിച്ചേരും. ഹൊസൂർ, സേലം, കോയമ്പത്തൂർ, പാലക്കാട്, തൃശൂർ, അങ്കമാലി, മൂവാറ്റുപുഴ, ഏറ്റുമാനൂർ വഴിയാണ് സര്‍വീസ് നടത്തുക. 1950 രൂപയാണ് ടിക്കറ്റ് നിരക്ക്.
SUMMARY: Karnataka RTC’s Ambari Utsav AC sleeper Volvo bus from Bengaluru to Kottayam