ബെംഗളൂരു: ബാംഗ്ലൂര്‍ കേരള സമാജം കെ ആര്‍ പുരം സോണിന്റെ നേതൃത്വത്തില്‍ ഒരു പുതിയ ഡയാലിസിസ് യൂണിറ്റ് ആരംഭിച്ചു. കഗദാസപുര ശ്രീ ലക്ഷ്മി സൂപ്പര്‍ സ്പെഷ്യാലിറ്റി ആസ്പത്രിയില്‍ നടന്ന ചടങ്ങില്‍ സ്വപ്ന തോംസണ്‍ ഡോ സാംബശിവ, സി പി രാധാകൃഷ്ണന്‍ എന്നിവര്‍ ചേര്‍ന്ന് ഡയാലിസിസ് യൂണിറ്റ് ഉദ്ഘാടനം ചെയ്തു. രാമമൂര്‍ത്തി നഗര്‍ സ്വദേശി തോംസണും കുടുംബവുമാണ് പുതിയ ഡയാലിസിസ് യൂണിറ്റ് സ്‌പോണ്‍സര്‍ ചെയ്തിരിക്കുന്നത്. കാഗദാസപുര ശ്രീ ലക്ഷ്മി സൂപ്പര്‍ സ്പെഷ്യാലിറ്റി ആസ്പത്രിയുമായി സഹകരിച്ചാണ് പദ്ധതി നടപ്പാക്കിയിരിക്കുന്നത്.
കേരള സമാജം കെ ആര്‍ പുരം സോണ്‍ ചെയര്‍മാന്‍ എം ഹനീഫ് അധ്യക്ഷത വഹിച്ചു. കേരള സമാജം ജനറല്‍ സെക്രട്ടറി റജികുമാര്‍, അസിസ്റ്റന്റ് സെക്രട്ടറി മുരളീധരന്‍, ശ്രീ ലക്ഷ്മി സൂപ്പര്‍ സ്പെഷ്യാലിറ്റി ആസ്പത്രി മാനേജിങ് ഡയറക്ടര്‍ ജയമാല സാംബശിവ, കെഎന്‍ഇ ട്രസ്റ്റ് പ്രസിഡന്റ് ചന്ദ്രശേഖരന്‍ നായര്‍, സോണ്‍ കണ്‍വീനര്‍ ബിനു, ഷിബു കെ എസ്, ദിനേശന്‍,സയ്യിദ് മസ്താന്‍, വനിതാ വിഭാഗം ഭാരവാഹികളായ ഐഷ ഹനീഫ്, രഞ്ജിത ശിവദാസ്, അമൃത സുരേഷ്, രാജഗോപാല്‍ എം, ഹരികുമാര്‍, പോള്‍ പീറ്റര്‍, ദേവദാസ്, ജോണി പി സി, മനോജ്, ജോജി തുടങ്ങിയവര്‍ സംബന്ധിച്ചു.
കേരള സമാജത്തിന്റെ നേതൃത്വത്തില്‍ നടത്തുന്ന എട്ടാമത്തെ ഡയാലിസിസ് യൂണിറ്റ് ആണിത്. നിര്‍ധനരായ വൃക്ക രോഗികള്‍ക്ക് സൗജന്യ നിരക്കില്‍ ആണ് ഡയാലിസുകള്‍ ചെയ്തു വരുന്നത്. ഇതിനോടകം ഇരുപത്തിനായിരത്തില്‍ അധികം ഡയാലിസുകള്‍ നടത്തിയതായി ജനറല്‍ സെക്രട്ടറി റജികുമാര്‍ പറഞ്ഞു.
വിശദ വിവരങ്ങള്‍ക്ക് 94488 11111 , 97403 85828
