ബെംഗളൂരു: 2027 ലെ സിവില്‍ സര്‍വീസസ് പരീക്ഷക്കു തയ്യാറെടുക്കുന്നവര്‍ക്കുള്ള സമഗ്രപരിശീലനം ബാംഗ്ലൂര്‍ കേരളസമാജം ഐഎഎസ് അക്കാദമിയില്‍ ആരംഭിച്ചു. അക്കാദമിയില്‍ നിന്നും 2023 ല്‍ ഇന്ത്യന്‍ റെയില്‍വേ ട്രാഫിക്ക് സര്‍വ്വീസിലേക്കു തെരഞ്ഞെടുക്കപ്പെട്ട എ. മോണിക്ക ഉദ്ഘാടനം നിര്‍വ്വഹിച്ചു. ഇന്ദിരാനഗര്‍ കൈരളിനികേതന്‍ എഡ്യൂക്കേഷന്‍ ട്രസ്റ്റില്‍ നടന്ന ചടങ്ങില്‍ കേരളസമാജം ജനറല്‍ സെക്രട്ടറി റജികുമാര്‍ അധ്യക്ഷത വഹിച്ചു.
അക്കാദമിയുടെ മുഖ്യ ഉപദേഷ്ടാവും കസ്റ്റംസ് ആന്റ് ഇന്‍ഡയറക്ട് ടാക്‌സസ് കമ്മീഷണറുമായ പി.ഗോപകുമാര്‍, പരിശീലകരായ ശോഭന്‍ ജോര്‍ജ് എബ്രഹാം, സത്യ വന്ദേമാതരം, നിഖില്‍ ശ്രീകുമാര്‍, കൈരളിനികേതന്‍ എഡ്യൂക്കേഷന്‍ ട്രസ്റ്റ് പ്രസിഡന്റ് കെ. ഗോപിനാഥന്‍, കേരള സമാജം ട്രഷറര്‍ ജോര്‍ജ് തോമസ്, കള്‍ച്ചറല്‍ സെക്രട്ടറി വി.മുരളീധരന്‍, മാനേജിംഗ് കമ്മറ്റി അംഗം സുജയന്‍ നമ്പ്യാര്‍ എന്നിവര്‍ ആശംസകള്‍ നേര്‍ന്നു.
രണ്ടു മാസത്തെ സൗജന്യ ഫൗണ്ടേഷന്‍ പരിശീലനത്തിനു ശേഷമാണ് ബാച്ച് തുടങ്ങിയത്. ചുരുങ്ങിയ ചെലവില്‍ പ്രിലിമിനറി, മെയിന്‍ പരീക്ഷകള്‍ക്കായി പതിനാറു മാസം നീളുന്ന പരിശീലനമാണ് നല്‍കുക. ആഴ്ച ദിവസങ്ങളില്‍ ഓണ്‍ലൈനായും വാരാന്ത്യങ്ങളില്‍ ഓഫ് ലൈനായും ക്ലാസുകള്‍ ഉണ്ടാകും.
പരിശീലനത്തില്‍ പങ്കെടുക്കുവാനാഗ്രഹിക്കുന്നവര്‍ 8431414491 എന്ന നമ്പരില്‍ ബന്ധപ്പെടണമെന്ന് ജനറല്‍ സെക്രട്ടറി റജികുമാര്‍ അറിയിച്ചു.
2011-ല്‍ ആരംഭിച്ച അക്കാദമിയില്‍ നിന്നും ഇതുവരെ 166 പേര്‍ വിവിധ സിവില്‍ സര്‍വ്വീസുകളിലേക്കു തെരഞ്ഞെടുക്കപ്പെട്ടിട്ടുണ്ട്.
SUMMARY: Kerala Samajam IAS Academy: New batch begins
