ഇന്ത്യയിലെ 438 സംരക്ഷിത വനമേഖലകളെ ആസ്പദമാക്കി ആഗോള നിലവാരത്തിലുള്ള ഐയുസിഎന്‍-ഡബ്ല്യുസിപിഎ മാനദണ്ഡങ്ങള്‍ അടിസ്ഥാനമാക്കിയുള്ള വിലയിരുത്തലിലാണ് കേരളം ദേശീയതലത്തില്‍ തന്നെ മുന്നിലെത്തിയത്.
വംശനാശ ഭീഷണി നേരിടുന്ന വരയാടുകളുടെ ആവാസവ്യവസ്ഥയാൽ ശ്രദ്ധേയമാണ് ഇരവികുളം. അതീവ സംരക്ഷണ പ്രാധാന്യമർഹിക്കുന്ന വന്യജീവികളാണ് നീലഗിരി താർ എന്നറിയപ്പെടുന്ന വരയാടുകൾ. നീലക്കുറിഞ്ഞി ഉൾപ്പെടെ 20 ഓളം കുറിഞ്ഞി ഇനങ്ങളും ഇവിടത്തെ അപൂർവതയാണ്. യുനെസ്കോ ലോക പൈതൃക പട്ടികയിൽ ഉൾപ്പെട്ട പശ്ചിമഘട്ട വനമേഖലയിലെ വൃത്തിയുള്ള പശ്ചാത്തലവും ഇക്കോ-ടൂറിസത്തിലെ മികച്ച മാതൃകയും ജനങ്ങളുടെ പങ്കാളിത്തവും നിയന്ത്രിത ടൂറിസവും ഇരവികുളത്തെ വേറിട്ടതാക്കുന്നു. വി ആർ ഉൾപ്പെടെ ഇന്ത്യയിലെ തന്നെ അധുനിക സാങ്കേതിക സൗകര്യങ്ങൾ എന്നിവയും പരിഗണിക്കപ്പെട്ടു.
SUMMARY: Kerala’s Eravikulam wins the prestigious award as the best national park in the country