തിരുവനന്തപുരം: വട്ടിയൂർക്കാവ് എംഎല്എ വി.കെ പ്രശാന്തിനോട് ഓഫീസ് ഒഴിയാൻ ആവശ്യപ്പെട്ട സംഭവത്തില് പ്രതികരിച്ച് കെ.എസ് ശബരിനാഥൻ. എംഎല്എ ഹോസ്റ്റലില് സൗകര്യങ്ങളുള്ള മുറി ഉണ്ടായിട്ടും എന്തിന് വാടക കെട്ടിടത്തില് ഇരിക്കുന്നുവെന്ന് ശബരിനാഥന് ചോദിച്ചു. എംഎല്എ ഉപയോഗിക്കുന്ന ഹോസ്റ്റലിന് മാസം 800 രൂപ മാത്രം വാടക വാങ്ങുന്നത് ശരിയായ നടപടിയല്ല.
തിരുവനന്തപുരത്ത് ഒരു ചെറിയ ചായക്കട നടത്താന് പോലും ഇതിലും വലിയ വാടക നല്കണം. ജവഹര് നഗറില് പൊളിഞ്ഞ് കിടക്കുന്ന ഒരു കെട്ടിടത്തില് ചെറിയ കടമുറിക്ക് 15,000 രൂപ വരെ വാടക വാങ്ങുന്നുണ്ട്. എംഎല്എ ഓഫീസിന് 15,000 രൂപ വാടക വാങ്ങണമെന്ന് ഞാന് പറയില്ല. പക്ഷെ 800 രൂപ വാങ്ങാന് പാടില്ല. ഇതൊക്കെ പറയുമ്പോൾ കാവി അല്ലെങ്കില് സംഘി പട്ടം ചുമത്തുന്നത് കണ്ട് പേടിക്കേണ്ടതില്ല. ഇവിടെ നിലപാട് പറയാന് വേണ്ടി തന്നെയാണ് യുഡിഎഫിനെ വിജയിപ്പിച്ചിരിക്കുന്നതെന്നും ശബരിനാഥൻ പറഞ്ഞു.
There are two rooms in the MLA hostel; KS Sabarinathan against VK Prashanth
