ബെംഗളൂരു: കുന്ദലഹള്ളി കേരളസമാജത്തിന്റെ ഈ വർഷത്തെ ഓണാഘോഷം സമാപിച്ചു. ‘കെകെഎസ് പൊന്നോണം 2025’ എന്ന പേരിൽ ബ്രുക്ഫീൽഡിലുള്ള സിഎംആർഐടിയിൽ നടന്ന ആഘോഷത്തിൽ മഹാദേവപുര എംഎൽഎ മഞ്ജുള ലിംബാവലി, ശങ്കർ റാവു, ആനന്ദ്, തെന്നിന്ത്യൻ തരാം രാഹുൽ മാധവ് എന്നിവർ മുഖ്യാതിഥികളായി.
സമാജത്തിന്റെ കീഴിലുള്ള കലാക്ഷേത്രയിലെ വിദ്യാർഥികൾ അവതരിപ്പിച്ച നൃത്ത-സംഗീത പരിപാടികൾ, സമാജം അംഗങ്ങളുടെ കലാപരിപാടികൾ, ഷാരോൺ അപ്പുവും സംഘവും നയിച്ച സംഗീത പരിപാടി എന്നിവ അരങ്ങേറി. ഉന്നതവിജയംനേടിയ കുട്ടികളെയും 80 വയസ്സ് പിന്നിട്ട അംഗങ്ങളെയും കലാക്ഷേത്രയിലെ അധ്യാപകരെയും ആദരിച്ചു. ഇ.പി. സുഷമയുടെ ഓർമ്മയ്ക്കായി അവരുടെ കുടുംബാംഗങ്ങളുമായി ചേർന്ന് നടത്തിയ ചെറുകഥാമത്സരത്തിലെ വിജയികൾക്കുള്ള സമ്മാനദാനം രാഹുൽ മാധവ് നിർവഹിച്ചു. പ്രസിഡന്റ് രജിത്ത് ചെനാരത്ത് അധ്യക്ഷനായി. സമാജം വൈസ് പ്രസിഡന്റ് എം. ഗോപാലകൃഷ്ണൻ, ജോയിന്റ് സെക്രട്ടറി കെ. അനിൽകുമാർ എന്നിവരും സംസാരിച്ചു. സമാജം സെക്രട്ടറ അജിത് കോടോത്ത്, ട്രഷറർ സന്തോഷ് കെ എന്നിവരും ചടങ്ങിൽ പങ്കെടുത്തു.
◼️ ചിത്രങ്ങള്
SUMMARY: Kundalahalli Kerala Samajam Onam celebrations conclude
