മാണ്ഡ്യയില്‍ പുള്ളിപ്പുലിയും കുഞ്ഞുങ്ങളും പിടിയിലായി

ബെംഗളൂരു: മാണ്ഡ്യ ബി ഹൊസൂറിലെ ജനവാസ കേന്ദ്രത്തില്‍ ഇറങ്ങിയ അഞ്ച് വയസ്സുള്ള പുള്ളിപ്പുലിയെയും രണ്ട് കുഞ്ഞുങ്ങളെയും വനംവകുപ്പ് ഉദ്യോഗസ്ഥർ പിടികൂടി. മൂന്നാഴ്ചയ്ക്കിടെ ഈ മേഖലയിൽനിന്ന് നാലാമത്തെ പുള്ളിപ്പുലിയെയാണ് ഉദ്യോഗസ്ഥർ പിടികൂടുന്നത്.

ഗ്രാമത്തിൽ പുലികളുടെ സാന്നിധ്യം പ്രദേശവാസികളിൽ വലിയ ആശങ്കയുണ്ടാക്കിയിരുന്നു. മൂന്നുദിവസം മുൻപാണ് ഗ്രാമവാസികൾ പുള്ളിപ്പുലിയെ ആദ്യം കണ്ടത്. വനംവകുപ്പുദ്യോഗസ്ഥരെ വിവരമറിയിച്ചതിനെ തുടര്‍ന്ന് സ്ഥാപിച്ചകൂട്ടില്‍ തിങ്കളാഴ്ച രാത്രിയോടെയാണ് പുള്ളിപ്പുലിയും കുഞ്ഞുങ്ങളും കുടുങ്ങിയത്. പുലികളെ പിന്നീട് അടുത്തുള്ള ഒരു വനത്തിലേക്ക് തുറന്നുവിട്ടു.
<BR>
TAGS : LEOPARD TRAPPED | MANDYA
SUMMARY : Leopard and cubs caught in Mandya