മധുര-ബെംഗളൂരു വന്ദേഭാരത്; ട്രയല്‍ റണ്‍ ഇന്ന്

ബെംഗളൂരു: മധുരയിൽനിന്ന് ബെംഗളൂരുവിലേക്ക് അനുവദിച്ച വന്ദേഭാരത് ട്രെയിനിന്റെ ട്രയല്‍ റണ്‍ തിങ്കളാഴ്ച നടക്കും. മധുരയിൽനിന്ന് രാവിലെ 5.15-ന് പുറപ്പെടുന്ന ട്രെയിന്‍ 7.15-ന് തിരുച്ചിറപ്പള്ളിയിലും 9.55-ന് സേലത്തും ഉച്ചയ്ക്ക് 1.15-ന് ബെംഗളൂരു വിശ്വേശ്വരയ ടെർമിനലിലും എത്തും. ഉച്ചയ്ക്ക് 1.45-ന് ബെംഗളൂരുവിൽനിന്ന് തിരിക്കുന്ന ട്രെയിന്‍ വൈകീട്ട് അഞ്ചിന് സേലത്തും രാത്രി 8.20-ന് തിരുച്ചിറപ്പള്ളിയും രാത്രി 10.25 -ന് മധുരയിലുമെത്തുമെന്നും അധികൃതർ അറിയിച്ചു. നേരത്തെ, മധുര റെയിൽവേ ഡിവിഷൻ മധുരയ്ക്കും ബോഡിനായ്ക്കന്നൂരിനും ഇടയിൽ സ്പീഡ് ട്രയൽ നടത്തിയിരുന്നു,

ഇതോടൊപ്പം ചെന്നൈ സെൻട്രൽ-നാഗർകോവിൽ ജംഗ്ഷൻ വന്ദേ ഭാരത് എക്‌സ്പ്രസിൻ്റെ ട്രയൽ റണ്ണും തിങ്കളാഴ്ച നടക്കും. ചെന്നൈ സെൻട്രലിൽ നിന്ന് പുലർച്ചെ 4.15ന് പുറപ്പെടുന്ന ട്രെയിൻ ഉച്ചയ്ക്ക് 1.50ന് നാഗർകോവിലിൽ എത്തിച്ചേരും. ഇത് 10:38 ന് മധുര ജംഗ്ഷനിൽ നിർത്തും, 10.40 ന് പുറപ്പെടും. തിരിച്ച്, ഉച്ചയ്ക്ക് 2.20 ന് നാഗർകോവിൽ ജംഗ്ഷനിൽ നിന്ന് പുറപ്പെടുന്ന ട്രെയിൻ 12.05 ന് ചെന്നൈ സെൻട്രലിൽ എത്തിച്ചേരും.
<BR>
TAGS : VANDE BHARAT TRAIN | BENGALURU-MADURAI | RAILWAY
SUMMARY : Madurai-Bengaluru Vande Bharat; Trial run today