ബെംഗളൂരു: : ബെംഗളൂരുവിലെ പ്രമുഖ ജീവകാരുണ്യസാമൂഹിക സംഘടനയായ മലബാർ മുസ്ലിം അസോസിയേഷന്റെ (എംഎംഎ) 90–ാം വാർഷികാഘോഷം ഇന്ന് ഉച്ചയ്ക്ക് 2ന് ബാംഗ്ലൂർ സിറ്റി സർവകലാശാല ക്യാംപസിലെ ജ്ഞാനജ്യോതി സെൻട്രൽ കോളജ് ഓഡിറ്റോറിയത്തിൽ നടക്കും.
കളരിപ്പയറ്റ്, മിമിക്രി, സംഗീതവിരുന്ന് എന്നിവയുണ്ടാകും. വൈകിട്ട് 6ന് പൊതുസമ്മേളനം മുഖ്യമന്ത്രി സിദ്ധരാമയ്യ ഉദ്ഘാടനം ചെയ്യും. പൊതുപ്രവർത്തന രംഗത്ത് 60 വർഷം പൂർത്തിയാക്കിയ എംഎംഎ പ്രസിഡന്റ് ഡോ.എൻ.എ.മുഹമ്മദിനെ ആദരിക്കൽ, സുവനീർ പ്രകാശനം, ഡോക്യുമെന്ററി പ്രദർശനം എന്നിവയും തുടർന്നു നടക്കും. ഉപമുഖ്യമന്ത്രി ഡി.കെ.ശിവകുമാർ, സ്പീക്കർ യു.ടി.ഖാദർ, മന്ത്രിമാരായ ജി.പരമേശ്വര, രാമലിംഗ റെഡ്ഡി, കെ.ജെ.ജോർജ്, ദിനേശ് ഗുണ്ടുറാവു, സുരേഷ് ലാഡ്, എച്ച്.സി.മഹാദേവപ്പ, പ്രിയങ്ക് ഖർഗെ, ബൈരതി സുരേഷ്, കൃഷ്ണ ബൈരഗൗഡ, മുസ്ലിം ലീഗ് ദേശീയ ജനറൽ സെക്രട്ടറി പി.കെ.കുഞ്ഞാലിക്കുട്ടി, കെ.എം.ഷാജി എന്നിവർ പങ്കെടുക്കും. 90 വിദ്യാർഥികൾക്ക് സൈക്കിളുകൾ, 60 വിദ്യാർഥികൾക്ക് ലാപ്ടോപ്പുകൾ എന്നിവ ചടങ്ങിൽ വിതരണം ചെയ്യും.
SUMMARY: Malabar Muslim Association celebrates 90th anniversary today
WhatsApp
Telegram
