ബെംഗളൂരു: മലയാളം മിഷൻ കർണാടക ചാപ്റ്ററിലെ ശ്രീറാം സമീക്ഷ പഠന കേന്ദ്രത്തിൽ നടന്ന അഞ്ചാമത് കണിക്കൊന്ന പ്രവേശനോത്സവവും സർട്ടിഫിക്കറ്റ് വിതരണം നോർക്ക ഡെവലപ്മെന്റ് ഓഫീസർ ജയപ്രകാശ് നിർവഹിച്ചു. മലയാളം മിഷൻ കഴിഞ്ഞ നവംബർ മാസത്തിൽ നടത്തിയ കണിക്കൊന്ന സൂര്യകാന്തി ആമ്പൽ പരീക്ഷകളിലെ വിജയികളായ കുട്ടികൾക്കുള്ള സർട്ടിഫിക്കറ്റാണ് വിതരണം ചെയ്തത്.
സമീക്ഷ സംസ്കൃതി പിടിഎ പ്രസിഡന്റ് രതീഷ് രാഘവൻ, സെക്രട്ടറി ക്ലിന്റ് ജേക്കബ് ട്രഷറർ കാർത്തിക്, സംഘാടകരായ ശ്വേതാ ലിജേഷ്, ഷോയിബ് ചന്ദ്രൻ, അധ്യാപകരായ ജ്യോത്സന പി എസ്, കീർത്തി ഹരീഷ്, എന്നിവർ നേതൃത്വം നൽകി. മാസ് പ്രസിഡണ്ട് ഉണ്ണികൃഷ്ണൻ സെക്രട്ടറി പ്രവീൺ വിജയൻ എന്നിവര്‍ പങ്കെടുത്തു.
സുഗതാഞ്ജലി കാവ്യാലാപന മത്സരത്തിൽ നോർത്ത് മേഖലയിൽ മൂന്നാം സ്ഥാനം കരസ്ഥമാക്കിയ നീലാഞ്ജന നിഖിലിനെയും പ്രശസ്ത എഴുത്തുകാരി ആഷ് അഷിതയെ ആദരിച്ചു. നോർക്ക ഡെവലപ്മെന്റ് ഓഫീസർ നോർക്ക പദ്ധതികളെ വിശദീകരിച്ചു. കുട്ടികളുടെ വിവിധ കലാപരിപാടികളും അരങ്ങേറി.
SUMMARY: Malayalam Mission Entrance Ceremony and Certificate Distribution
