ബെംഗളൂരുവിൽ ബൈക്കപകടത്തിൽ മലയാളി യുവാവ് മരിച്ചു; സുഹൃത്തിന് ഗുരുതര പരുക്ക്

ബെംഗളൂരു: ബെംഗളൂരുവിൽ ബൈക്ക് ലോറിയിലിടിച്ച് മലയാളി യുവാവ് മരിച്ചു. സുഹൃത്തിന് ഗുരുതരമായി പരുക്കേറ്റു. ഇന്ന് പുലർച്ചെ 1.30 ഓടെ ഹെന്നൂർ ഹെഗ്ഡേ നഗർ ബെലഹള്ളിയിലാണ് അപകടമുണ്ടായത്. പാലക്കാട് മണ്ണാർക്കാട് പാലക്കൽ പറമ്പിൽ കണ്ണൻ്റെ മകൻ വിഷ്ണുവാണ് (28) മരിച്ചത്. സുഹൃത്ത് അക്ഷയ് – നെ ഗുരുതര പരുക്കുകളോടെ ഹെബ്ബാൾ മണിപ്പാൾ ആശുപത്രിയിൽ പ്രവേശിപ്പിച്ചു.

പഠനം പൂർത്തിയാക്കിയ ഇരുവരും വിദേശത്തേക്ക് പോകാനുള്ള തയ്യാറെടുപ്പിലായിരുന്നു. വിഷ്ണുവിൻ്റെ മൃതദേഹം യലഹങ്കയിലെ ഗവ. ജനറൽ ആശുപത്രിയിലാണ് ഉള്ളത്. മാതാവ്: ഇന്ദിര. സഹോദരൻ: പ്രണവ്.

കല വെൽഫയർ അസോസിയേഷൻ പ്രവർത്തകർ വിവരമറിഞ്ഞ് സ്ഥലത്തെത്തി പോസ്റ്റുമോർട്ടം അടമുള്ള നടപടിക്രമങ്ങള്‍ക്കുള്ള സഹായങ്ങൾ ചെയ്തു.
<br>
TAGS : ACCIDENT
SUMMARY : Malayali youth dies in bike accident in Bengaluru; friend seriously injured