ബെംഗളൂരു: സക്ലേഷ്പുർ താലൂക്കിലെ വദുരു ഗ്രാമത്തിൽ കാട്ടാനയുടെ ആക്രമണത്തിൽ യുവാവിന് ഗുരുതര പരുക്ക്. ഗ്രാമത്തിലെ സപ്ലൈസ് കടയിൽ ജീവനക്കാരനായിരുന്ന മഹേഷിനാണ് (45) പരുക്കേറ്റത്. ചൊവ്വാഴ്ച രാവിലെ വീട്ടിൽ നിന്ന് കടയിലേക്ക് പോകുമ്പോഴായിരുന്നു സംഭവം.
മഹേഷ് കടയിലേക്ക് നടന്നുപോകുന്നതിനിടെയാണ് കാട്ടാന പിന്നിൽ നിന്നും ആക്രമിക്കുകയായിരുന്നു. മഹേഷിൻ്റെ നിലവിളി കേട്ട നാട്ടുകാർ ഓടിയെത്തിയതോടെ ആന സമീപത്തെ കാട്ടിലേക്ക് പോയി. പരുക്കേറ്റ മഹേഷിനെ ഉടൻ സമീപത്തെ ആശുപത്രിയിൽ പ്രവേശിപ്പിച്ചു. പ്രദേശത്ത് കഴിഞ്ഞ ദിവസം തോട്ടം തൊഴിലാളിയായ 35കാരിയെയും ആന ആക്രമിച്ചിരുന്നു. ആനയെ പിടികൂടാനുള്ള ശ്രമങ്ങൾ ആരംഭിച്ചതായി വനം വകുപ്പ് ഉദ്യോഗസ്ഥർ പറഞ്ഞു.
TAGS: KARNATAKA | ELEPHANT ATTACK
SUMMARY: Wild elephant attack in Sakleshpur: 47-year-old man in Vaduru village seriously injured
