ബെംഗളൂരു: കാട്ടാനയുടെ ആക്രമണത്തിൽ ഗുരുതരമായി പരുക്കേറ്റ് ചികിത്സയിൽ കഴിയുകയായിരുന്നു മധ്യവയസ്കൻ മരിച്ചു. ഹാസൻ ബേലൂർ ജെ സുരപുര ഗ്രാമത്തിലെ മല്ലികാർജുൻ (58) ആണ് മരിച്ചത്. ഓഗസ്റ്റ് 13-നാണ് മല്ലികാർജുനയെ കാട്ടാന ആക്രമിച്ചത്. മോട്ടോർ ബൈക്കിൽ വളം ചാക്കുമായി സുരപുരയിലെ കൃഷിയിടത്തിലേക്ക് പോകുമ്പോഴായിരുന്നു സംഭവം.
ഗുരുതര പരുക്കേറ്റ മല്ലികാർജുനയെ ഉടൻ തന്നെ ഹാസൻ ജില്ലാ ആശുപത്രിയിലെത്തിച്ച് ചികിത്സ നൽകുകയും പിന്നീട് സ്വകാര്യ ആശുപത്രിയിലേക്ക് മാറ്റുകയും ചെയ്തു. എന്നാൽ ആരോഗ്യ നില വഷളായതിനെ തുടർന്ന് ബുധനാഴ്ച വൈകീട്ടോടെ മരണപ്പെടുകയായിരുന്നു. സംഭവത്തിൽ വനം വകുപ്പ് കേസെടുത്തിട്ടുണ്ട്.
TAGS: KARNATAKA | ELEPHANT ATTACK
SUMMARY: Man injured in wild Elephant attack succumbs to injuries
