മലപ്പുറം: കാളികാവില് വില്പനയ്ക്കായി കൊണ്ടുവന്ന നാലര കിലോ കഞ്ചാവുമായി ഇതര സംസ്ഥാന തൊഴിലാളി അറസ്റ്റില്. വെസ്റ്റ് ബംഗാള് മുർശിദാബാദ് സ്വദേശി രാഹുല് ആണ് അറസ്റ്റിലായത്. നിലമ്പൂർ ഡിവൈഎസ്പി വി.വി ലതീഷിന് ലഭിച്ച രഹസ്യ വിവരത്തെ തുടർന്ന് ഇന്ന് ഉച്ചയ്ക്ക് 2. 30 മണിയോടെ പുറ്റമണ്ണ ആമപൊയിലില് നടത്തിയ പരിശോധനയിലാണ് പ്രതി അറസ്റ്റിലായത്.
അവധിക്കായി നാട്ടില് പോകുന്ന ഇതര സംസ്ഥാന തൊഴിലാളികള് നാട്ടില് നിന്നും കുറഞ്ഞ വിലയ്ക്ക് കഞ്ചാവ് ശേഖരിച്ച് ജില്ലയിലെത്തിച്ച് വില്പ്പന നടത്തുന്നുണ്ടെന്ന് പോലീസിന് വിവരം ലഭിച്ചിരുന്നു. അതിന്റെ അടിസ്ഥാനത്തില് പോലീസ് നടത്തിയ പ്രത്യേക പരിശോധനയിലാണ് പ്രതി അറസ്റ്റിലായത്. പിടികൂടിയ കഞ്ചാവിന് വിപണിയില് ഒരു ലക്ഷം രൂപയോളം വില വരും.
SUMMARY: Massive ganja bust in Malappuram; One arrested
