കുറഞ്ഞ ഓവർ നിരക്കിന്റെ പേരിൽ മുബൈ ഇന്ത്യൻസ് ക്യാപ്റ്റൻ ഹാർദിക്ക് പാണ്ഡ്യക്ക് പിഴ. കഴിഞ്ഞ ദിവസം അഹമ്മദാബാദിൽ നടന്ന ഗുജറാത്ത് ടൈറ്റൻസിനെതിരായ മത്സരത്തിലാണ് ഹാർദിക് ഏറ്റവും കുറഞ്ഞ ഓവർ നിരക്ക് കാഴ്ചവെച്ചത്. 12 ലക്ഷം രൂപയാണ് താരത്തിന് പിഴ ചുമത്തിയിരിക്കുന്നത്. ടൂർണമെന്റിൽ ഇതുവരെ മുബൈയുടെ രണ്ടു തോൽവികളാണ് ഏറ്റുവാങ്ങിയത്.
കുറഞ്ഞ ഓവർ റേറ്റ് പണിഷ്മെന്റ് നിബന്ധനുമായി ബന്ധപ്പെട്ട് ഈ സീസണിൽ ഹാർദിക് പാണ്ഡ്യയുടെ ടീമിനു ലഭിക്കുന്ന ആദ്യ പിഴ തുകയാണിത്. ഇതാദ്യമായല്ല ഹാർദിക്ക് പാണ്ഡ്യക്ക് സ്ലോ ഓവർ റേറ്റ് പെനാൽറ്റികൾ ലഭിക്കുന്നത്. കഴിഞ്ഞ സീസണിലും ഈ കുറ്റം ആവർത്തിച്ച് സംഭവിച്ചതോടേ താരത്തിനെ ഈ സീസണിലെ ആദ്യ മത്സരത്തിൽ നിന്നും വിലക്കിയിരുന്നു. ഇതിനെത്തുടർന്ന് ചെന്നൈ സൂപ്പർ കിംഗ്സിനെതിരായ (സിഎസ്‌കെ) മുംബൈ ഇന്ത്യൻസിന്റെ ആദ്യ മത്സരത്തിൽ ഹാർദിക്ക് കളിച്ചിരുന്നില്ല. സൂര്യകുമാർ ആയിരുന്നു താൽക്കാലിക ക്യാപ്റ്റനായിരുന്നത്.
TAGS: SPORTS
SUMMARY: Hardik Pandya cops Rs 12 lakh slow over-rate fine in GT vs MI match on return from ban
