തിരുവനന്തപുരം: സംസ്ഥാനത്ത് മില്മ പാലിന്റെ വില കൂട്ടി. ലിറ്ററിന് നാല് രൂപയാണ് കൂട്ടിയത്. ഇന്ന് ചേർന്ന മില്മ ഡയറക്ടർ ബോർഡ് യോഗത്തിലാണ് തീരുമാനം. ജൂണ് ഒന്ന് മുതല് പുതിയ വില പ്രാബല്യത്തില് വരും. 3.35 രൂപ കർഷകന് ലഭിക്കുന്ന രീതിയിലാണ് വില വർധനവെന്ന് മില്മ അധികൃതർ പറഞ്ഞു. ഇതോടെ പാല് ഉത്പന്നങ്ങള്ക്കും വില വർധിക്കും.
ലിറ്ററിന് നാല് മുതല് ആറ് രൂപ വരെ കൂട്ടണമെന്നായിരുന്നു മില്മയുടെ ആവശ്യം. പാല്വില കൂട്ടി കർഷകരെ സഹായിക്കണമെന്ന് മേഖല യൂണിയനുകള് നിരന്തരം ആവശ്യപ്പെട്ടിരുന്നു. മില്മയുടെ നിരന്തര ആവശ്യം പരിഗണിച്ചാണ് പാല്വില കൂട്ടാനുള്ള അനുമതി നല്കിയത്.
SUMMARY: Milma increases milk prices; increase effective from June 1
