കൊച്ചി: എറണാകുളം കിഴക്കമ്പലത്തിനടുത്ത് മലയിടം തുരുത്തില്‍ കുടുംബങ്ങളെ കുടിയൊഴിപ്പിക്കാനുള്ള നടപടികള്‍ക്കെതിരെ പ്രതിഷേധം. സുപ്രീംകോടതിയുടെ നിർദ്ദേശപ്രകാരമാണ് കുടിയൊഴിപ്പിക്കല്‍. ഏഴ് പട്ടികജാതി കുടുംബങ്ങളെയാണ് കുടിയൊഴിപ്പിക്കുന്നത്.
അഭിഭാഷക കമ്മീഷൻ അഡ്വ. ജയപാലൻ സ്ഥലത്തെത്തി നടപടികള്‍ക്ക് ശ്രമിച്ചെങ്കിലും നാട്ടുകാർ സംഘടിച്ച്‌ പ്രതിഷേധിച്ചതോടെ മുന്നോട്ടുപോകാനായിട്ടില്ല. നാട്ടുകാർ ഇപ്പോഴും സ്ഥലത്ത് പ്രതിഷേധിക്കുകയാണ്. സ്ഥലത്ത് വലിയ പോലീസ് സന്നാഹമാണ് നിലയുറപ്പിച്ചിട്ടുള്ളത്. പതിഞ്ചാം തവണയാണ് കുടിയൊഴിപ്പിക്കല്‍ ശ്രമം നടക്കുന്നത്. അതിനിടെ ആഭ്യന്തര മന്ത്രി രമേശ് ചെന്നിത്തല വിഷയത്തില്‍ ഇടപെട്ടു.
കൊച്ചി പോലീസിനോട് നടപടി നിർത്തിവെക്കാൻ നിർദേശം നല്‍കിയിരിക്കുകയാണ്. അടിയന്തരമായി നടപടികള്‍ നിർത്തിവയ്ക്കണമെന്നും ചെന്നിത്തല ആവശ്യപ്പെട്ടു. ഭൂമിയുടെ ഉടമസ്ഥതയെ ചൊല്ലി അരനൂറ്റാണ്ടായി തുടരുന്ന തർക്കമാണ്. കോടതി ഉത്തരവ് നടപ്പാക്കാൻ ഇത് പതിനഞ്ചാം തവണയാണ് ശ്രമം നടക്കുന്നത്.
SUMMARY: Eviction in the hilly area of Thuruthil; Locals threaten suicide
