റായ്പൂര്: മാധ്യമപ്രവര്ത്തകന് മുകേഷ് ചന്ദ്രാകറിനെ കൊലപ്പെടുത്തിയ കേസിലെ മുഖ്യപ്രതി അറസ്റ്റില്. കരാറുകാരനായ സുരേഷ് ചന്ദ്രാകറിനെയാണ് ഹൈദരാബാദില് നിന്നാണ് അറസ്റ്റ് ചെയ്തത്. കൊലപാതകത്തിന് പിന്നിലെ മുഖ്യ സൂത്രധാരന് ഇയാളാണെന്ന് പോലീസ് പറയുന്നു. സംഭവം പുറത്തറിഞ്ഞതു മുതല് ഇയാള് ഒളിവിലായിരുന്നു.
ഹൈദരാബാദിലെ ഡ്രൈവറുടെ വസതിയില് സുരേഷ് ഒളിവില് കഴിയുകയായിരുന്നുവെന്നാണ് പോലീസ് പറയുന്നത്. ഇയാളെ കണ്ടെത്താന് പോലീസ് 200 സിസിടിവികളില് നിന്നുള്ള ദൃശ്യങ്ങള് പരിശോധിക്കുകയും 300 ഓളം മൊബൈല് നമ്പറുകള് നിരീക്ഷിക്കുകയും ചെയ്തു. പോലീസ് ഇപ്പോള് ചന്ദ്രാകറിനെ ചോദ്യം ചെയ്യുകയാണ്.
ഛത്തീസ്ഗഡിലെ കാങ്കര് ജില്ലയില് ചന്ദ്രക്കറിന്റെ ഭാര്യയെയും കസ്റ്റഡിയിലെടുത്ത് ചോദ്യം ചെയ്തു വരികയാണെന്നും ഉദ്യോഗസ്ഥര് കൂട്ടിച്ചേര്ത്തു. ഛത്തീസ്ഗഢിലെ ബസ്തര് ഡിവിഷനില് കരാറുകാരന്റെ ഉടമസ്ഥതയിലുള്ള ഷെഡിലെ സെപ്റ്റിക് ടാങ്കില് കഴിഞ്ഞയാഴ്ചയാണ് മുകേഷ് ചന്ദ്രാകറിന്റെ മൃതദേഹം കണ്ടെത്തിയത്.
വീട്ടിൽ മടങ്ങിയെത്താത്തതിനെ തുടര്ന്ന് മാധ്യമപ്രവര്ത്തകന്റെ സഹോദരന് യുകേഷ് അടുത്ത ദിവസം പോലീസില് പരാതി നല്കി. ഡിസംബര് 25 ന് എന്ഡിടിവി സ്ട്രിങ്ങര് കൂടിയായി മുകേഷ് ഒരു റോഡ് നിര്മാണത്തിലെ അഴിമതി സംബന്ധിച്ച വാര്ത്ത സംപ്രേഷണം ചെയ്തിരുന്നു.
അതേ ദിവസം തന്നെ അന്വേഷണത്തിന് ഡെപ്യൂട്ടി മുഖ്യമന്ത്രി അരുണ് സാവോ അന്വേഷണത്തിന് ഉത്തരവിട്ടിരുന്നു. റോഡ് കരാറുകാരായ സുരേഷും കൂട്ടാളികളും ചേര്ന്നാണ് അഴിമതി നടത്തിയതെന്നായിരുന്നു റിപ്പോര്ട്ട്. ഈ റിപ്പോര്ട്ടാണ് മുകേഷിന്റെ കൊലപാതകത്തിന് പിന്നിലെന്നാണ് നിഗമനം.
TAGS : LATEST NEWS
SUMMARY : Murder of Journalist; The contractor was arrested
തൃശൂർ: സംസ്ഥാനത്ത് രണ്ടാംഘട്ട തദ്ദേശ തിരഞ്ഞെടുപ്പ് പൂർത്തിയായി. ഏഴ് ജില്ലകളിലും മികച്ച പോളിംഗാണ് രേഖപ്പെടുത്തിയത്. അവസാന കണക്കുകള് പ്രകാരം 75.85…
കോട്ടയം: പൂവത്തുംമൂട്ടില് സ്കൂളില് കയറി അധ്യാപികയെ ആക്രമിച്ച സംഭവത്തില് പ്രതിയായ ഭര്ത്താവ് കുഞ്ഞുമോന് പിടിയില്.വ്യാഴാഴ്ച രാവിലെ പത്തരയോടെയാണ് പേരൂര് ഗവ.എല്…
ബെംഗളൂരു: ബെംഗളൂരു അന്താരാഷ്ട്ര വിമാനത്താവളത്തിന് സമീപമുള്ള ഭൂമി പ്രത്യേക കാർഷിക മേഖലയായി പ്രഖ്യാപിച്ച് കർണാടക സർക്കാർ. 1,777 ഏക്കർ ഭൂമിയാണ്…
ഡല്ഹി: ഡല്ഹി കലാപക്കേസില് പ്രതിചേര്ത്ത് ജയിലില് കഴിയുന്ന ജെഎന്യു വിദ്യാര്ഥി ഉമര്ഖാലിദിന് ഇടക്കാല ജാമ്യം. ഡല്ഹിയിലെ വിചാരണ കോടതിയാണ് ജാമ്യം…
ന്യൂഡൽഹി: ആറ് സംസ്ഥാനങ്ങളിലെ എസ്.ഐ.ആർ സമയ പരിധി നീട്ടി. തമിഴ്നാട്, ഗുജറാത്ത്, മധ്യപ്രദേശ്, ഛത്തീസ്ഗഢ്, ഉത്തർപ്രദേശ് എന്നീ സംസ്ഥാനങ്ങളിലും ആൻഡമാൻ…
ചെന്നൈ: തിരഞ്ഞെടുപ്പ് ചർച്ചകള്ക്ക് തുടക്കമിട്ട് തമിഴക വെട്രി കഴകം. വിജയ്യെ മുഖ്യമന്ത്രി സ്ഥാനാർഥിയായി അംഗീകരിക്കുന്നവരോട് മാത്രമാണ് സഖ്യമുള്ളതെന്ന് പാർട്ടി അറിയിച്ചു.…