ബെംഗളൂരു: ബെംഗളൂരു മെട്രോയുടെ പിങ്ക് ലൈൻ പാത അടുത്ത വർഷത്തോടെ വാണിജ്യ പ്രവർത്തനങ്ങൾക്കായി തുറക്കുമെന്ന് ബിഎംആർസിഎൽ. രണ്ട് ഘട്ടങ്ങളായാണ് പാത തുറക്കുക. ബന്നാർഘട്ട റോഡിലെ കലേന അഗ്രഹാരയെ (ഗോട്ടിഗെരെ) നാഗവാരയുമായി ബന്ധിപ്പിക്കുന്നതാണ് പിങ്ക് ലൈൻ.
ആദ്യ ഘട്ടത്തിൽ കലേന അഗ്രഹാര മുതൽ തവരെകെരെ (സ്വാഗത് ക്രോസ്) വരെയുള്ള 7.5 കിലോമീറ്റർ എലിവേറ്റഡ് സ്ട്രെച്ച് 2025 സെപ്റ്റംബറിൽ തുറക്കാനാണ് പദ്ധതി. രണ്ടാം ഘട്ടത്തിൽ ഡയറി സർക്കിൾ മുതൽ നാഗവാര വരെയുള്ള 13.8 കിലോമീറ്റർ ഭൂഗർഭ ഭാഗം ജൂൺ 2026ൽ തുറക്കും.
2025 ജൂണിനും 2026 ഡിസംബറിനും ഇടയിൽ പിങ്ക് ലൈനിലേക്കുള്ള ട്രെയിൻ സെറ്റുകൾ ബിഇഎംഎൽ വിതരണം ചെയ്യുമെന്ന് ബിഎംആർസിഎൽ ഉദ്യോഗസ്ഥർ പറഞ്ഞു. മെട്രോയുടെ രണ്ടാം ഘട്ടത്തിനായി 318 കോച്ചുകൾ നൽകുന്നതിനായി ബിഇഎംഎൽ 3,177 കോടി രൂപയുടെ റോളിംഗ് സ്റ്റോക്ക് കരാർ നേടിയിട്ടുണ്ട്. ഇതിൽ 96 കോച്ചുകൾ പിങ്ക് ലൈനിനായി പ്രത്യേകം അനുവദിച്ചിട്ടുമുണ്ട്.
TAGS: BENGALURU | NAMMA METRO
SUMMARY: Bengaluru metro’s Pink Line to be opened by 2025
