നന്ദിഹിൽസ് സന്ദര്‍ശനത്തിന് ഓൺലൈൻ ടിക്കറ്റ് സൗകര്യം

ബെംഗളൂരു: കര്‍ണാടകയിലെ പ്രധാന വിനോദ സഞ്ചാരകേന്ദ്രങ്ങളിലൊന്നായ  നന്ദിഹിൽസ് സന്ദര്‍ശനത്തിന് ഓൺലൈൻ ടിക്കറ്റ് ബുക്കിങ് സൗകര്യം ഏര്‍പ്പെടുത്തുന്നു. പ്രവേശനത്തിനായി ടിക്കറ്റ് കൗണ്ടറുകളിലെത്തുന്നവരുടെ ക്യൂ മണിക്കൂറുകൾ നീളുന്നതിനാലാണ് നടപടി. ഓൺലൈൻ ടിക്കറ്റുകൾ, പ്രവേശന കവാടത്തിൽ ക്യുആർ കോഡ് സ്കാനറിൽ പരിശോധിച്ചാണ് സന്ദർശകരെ കടത്തിവിടുക. കർണാടക ടൂറിസം വികസന കോർപറേഷന്റെ (കെഎസ്ടിഡിസി) വെബ്സൈറ്റിലാണു ബുക്കിങ് സൗകര്യം ഒരുക്കുക.
SUMMARY: Online ticket for Nandi Hills visit