ന്യൂഡല്‍ഹി: ഊർജ്ജ പ്രതിസന്ധിയുടെയും മേഖലയിലെ സംഘർഷ സമാന സാഹചര്യത്തിന്റയും നിർണായക ഘട്ടത്തിൽ പ്രധാനമന്ത്രി നരേന്ദ്രമോദി യുഎഇയിലേക്ക്. ഈ മാസം 15നാണ് സന്ദർശനം. യുഎഇ പ്രസിഡണ്ട് ഷെയ്ഖ് മുഹമ്മദ് ബിൻ സായിദ് അൽ നഹ്യാനുമായി കൂടിക്കാഴ്ച്ച നടത്തും. മെയ് 15 മുതൽ 20 വരെ നീളുന്ന ലോകപര്യടനത്തിന്റെ തുടക്കത്തിലാണ് യുഎഇ സന്ദർശനം.പ്രാദേശിക-രാജ്യാന്തര വിഷയങ്ങള്‍ എന്നിവയില്‍ യുഎഇയുമായി ചര്‍ച്ച നടത്തുമെന്ന് ഇന്ത്യന്‍ വിദേശകാര്യ മന്ത്രാലയം അറിയിച്ചു.
പശ്ചിമേഷ്യയിലെ നിലവിലെ സാഹചര്യം ഇരു ഭരണാധികളും വിലയിരുത്തും. യുഎഇയും ഇന്ത്യയും തമ്മില്‍ നിലവിലുള്ള സെപ കരാര്‍ ഉള്‍പ്പടെയുള്ള വിഷയങ്ങളും ചര്‍ച്ചയാകും. നെതര്‍ലാന്‍ഡ്‌സ്, സ്വീഡന്‍, നോര്‍വേ, ഇറ്റലി എന്നീ രാജ്യങ്ങളിലും പ്രധാനമന്ത്രി സന്ദര്‍ശനം നടത്തും. മെയ് 15 മുതല്‍ മെയ് 20 വരെ നീളുന്നതാണ് മോദിയുടെ ലോക പര്യടനം.
SUMMARY: Prime Minister to visit UAE on 15th of this month; will discuss regional and international issues
