കൊല്ലം: കൊല്ലത്ത് പീഡനക്കേസില്‍ പുരോഹിതന്‍ അറസ്റ്റില്‍. ഫാദര്‍ ഡെന്നീസ് പ്രവീണാണ് അറസ്റ്റിലായത്. യുവതിയുടെ പരാതിയിലാണ് അറസ്റ്റ്. ധ്യാനത്തിന് കൊണ്ടുപോയി പലതവണ പീഡിപ്പിച്ചു എന്നാണ് യുവതി പരാതിയില്‍ പറയുന്നത്. 2022 മുതല്‍ 2024 വരെയുളള കാലയളവിലായിരുന്നു പീഡനം. ജില്ലയ്ക്ക് അകത്തും പുറത്തും കൊണ്ടുപോയി പീഡനത്തിന് ഇരയാക്കിയെന്ന് യുവതി ആരോപിക്കുന്നു.
സംഭവസമയത്ത് ചവറയ്ക്ക് സമീപമുള്ള പരിമണം കാർമൽ ഭവൻ ആശ്രമത്തിലായിരുന്നു ഇദ്ദേഹം പ്രവർത്തിച്ചിരുന്നത്. പിന്നീട് തിരുവനന്തപുരം വിഴിഞ്ഞത്തിന് സമീപമുള്ള പുളിങ്കുടിയിലെ ധ്യാനകേന്ദ്രത്തിലേക്ക് മാറിയിരുന്നു. പരാതി ഉയർന്നതോടെ ഒളിവിൽ പോയ പ്രതിയെ, രഹസ്യവിവരം ലഭിച്ചതിനെത്തുടർന്ന് തിരുവനന്തപുരത്തുനിന്നാണ് പോലീസ് കസ്റ്റഡിയിലെടുത്തത്. വിശദമായ ചോദ്യം ചെയ്യലിന് ശേഷം അറസ്റ്റ് രേഖപ്പെടുത്തുകയായിരുന്നു.
SUMMARY: Priest arrested in Kollam rape case
