ബെംഗളൂരു: ശ്രീനാരായണസമിതിയുടെ സർജാപുര ക്ഷേത്ര സമുച്ചയത്തിലെ ഗുരുമന്ദിരത്തിൽ സ്ഥാപിക്കുന്നതിനുള്ള ശ്രീനാരായണഗുരുവിന്റെ പഞ്ചലോഹ വിഗ്രഹം വഹിച്ചുകൊണ്ടുള്ള ഘോഷയാത്ര ഞായറാഴ്ച നടക്കും. അൾസൂരുവിലെ ഗുരു മന്ദിരത്തിൽനിന്ന് രാവിലെ ഒൻപതിന് പുഷ്പാലംകൃതമായ രഥത്തിലാണ് വിഗ്രഹം വഹിച്ചുകൊണ്ടുള്ള ഘോഷയാത്ര പുറപ്പെടുന്നത്. സോലൂർ മഠാധിപതി വിഖ്യാതാനന്ദ സ്വാമിയും സമിതി പ്രസിഡന്റ് എൻ. രാജ്മോഹനനും ചേർന്ന് ഫ്ളാഗ് ഓഫ് നിർവഹിക്കും.
ജനറൽ സെക്രട്ടറി എം.കെ. രാജേന്ദ്രൻ, ട്രഷറർ ഇൻചാർജ് എ.ബി.അനൂപ് എന്നിവർ നേതൃത്വം നൽകും. എം.ജി.റോഡ്, ആനേപ്പാളയ, ആടുഗോഡി, മടിവാള ചെക്പോസ്റ്റ്, ബൊമ്മനഹള്ളി, വിദ്യാജ്യോതി നഗർ പ്രയർഹാൾ, ഹൊങ്ങസാന്ദ്ര, ബേഗൂർ മൈലസാന്ദ്ര ഗുരുമന്ദിരം, ഇലക്ട്രോണിക്സിറ്റി വഴി സർജാപുരയിൽ എത്തും.