രാഹുല്‍ മാങ്കൂട്ടത്തില്‍ ലൈംഗിക വൈകൃതമുള്ളയാള്‍, പ്രതിക്ക് സംരക്ഷണമൊരുക്കുന്ന നടപടികള്‍ ചിലര്‍ സ്വീകരിച്ചു: മുഖ്യമന്ത്രി

തിരുവനന്തപുരം: യൂത്ത് കോണ്‍ഗ്രസ് നേതാവ് രാഹുല്‍ മാങ്കൂട്ടത്തിലിനെതിരായ ലൈംഗിക പീഡന പരാതികളുമായി ബന്ധപ്പെട്ട് കോണ്‍ഗ്രസിനെതിരെ രൂക്ഷ വിമർശനവുമായി മുഖ്യമന്ത്രി പിണറായി വിജയൻ. രാഹുല്‍ മാങ്കൂട്ടത്തില്‍ ഞെട്ടിക്കുന്ന ലൈംഗിക വൈകൃതമുള്ള വ്യക്തിയാണെന്ന് മുഖ്യമന്ത്രി എറണാകുളത്ത് പറഞ്ഞു. രാഹുലിന് ഒരു ‘വെട്ടുക്കിളി കൂട്ടം’ സംരക്ഷണം ഒരുക്കുന്നുണ്ടെന്നും, പോലീസ് ഈ വിഷയത്തില്‍ ഫലപ്രദമായി ഇടപെടുന്നുണ്ടെന്നും അദ്ദേഹം വ്യക്തമാക്കി.

മനുഷ്യ മനസ്സാക്ഷിയെ ഞെട്ടിക്കുന്ന കാര്യങ്ങളാണ് രാഹുലിനെതിരെ പുറത്തുവരുന്നത്. ഇത്തരം ആളുകളെ കോണ്‍ഗ്രസ് മാറ്റി നിർത്തുകയല്ലേ വേണ്ടതെന്നും അദ്ദേഹം ചോദിച്ചു. കോണ്‍ഗ്രസിന് എല്ലാം നേരത്തെ അറിയാമായിരുന്നുവെന്നും, എന്നിട്ടും രാഹുലിനെ ‘ഭാവിയിലെ നിക്ഷേപം’ എന്ന് വിശേഷിപ്പിച്ചു എന്നും മുഖ്യമന്ത്രി വിമർശിച്ചു. മാത്രമല്ല, പരാതിപ്പെടുന്നവർക്ക് നേരെ കോണ്‍ഗ്രസ് അസഭ്യവർഷം നടത്തുന്നുവെന്നും, പ്രമുഖ കോണ്‍ഗ്രസ് നേതാവ് സംസാരിക്കുമ്പോൾ സ്വന്തം അണികള്‍ പ്രശ്‌നമുണ്ടാക്കുന്ന സാഹചര്യമാണുള്ളതെന്നും മുഖ്യമന്ത്രി കൂട്ടിച്ചേർത്തു.

SUMMARY: Rahul Mangkootil is a sexually perverted person, some have taken steps to provide protection to the accused: Chief Minister