ബെംഗളൂരു: രാജരാജേശ്വരി നഗര്‍ മലയാളി സമാജം ഓണാഘോഷപരിപാടികള്‍ വൈറ്റ് പേള്‍ കണ്‍വെന്‍ഷന്‍ സെന്ററില്‍ നടന്നു. സമാജം അംഗങ്ങളുടെ പൂക്കള മത്സരത്തോടെ പരിപാടികള്‍ ആരംഭിച്ചു. ശേഷം നടന്ന പൊതുസമ്മേളനം ചലച്ചിത്ര താരം റോസിന്‍ ജോളി ഉദ്ഘാടനം ചെയ്തു. സമാജം പ്രസിഡന്റ് ജോണ്‍സണ്‍ അധ്യക്ഷത വഹിച്ചു.
ബാംഗ്ലൂര്‍ കേരള സമാജത്തിന്റെ ജനറല്‍ സെക്രട്ടറി റജികുമാര്‍, ബിബിഎംപി കൗണ്‍സിലര്‍ മഞ്ജുനാഥ്, ഫെഡറല്‍ ബാങ്ക് സോണല്‍ ഹെഡ് ജോയല്‍ ജോര്‍ജ്, ഡിസിബി ബാങ്ക് പ്രതിനിധി പ്രവീണ്‍ ദേവരായി തുടങ്ങിയവര്‍ സംസാരിച്ചു. ഉന്നത വിജയം കരസ്ഥമാക്കിയ വിദ്യാര്‍ഥികള്‍ക്ക് മെറിറ്റ് അവാര്‍ഡ് നല്‍കി. വിവിധ മേഖലകളില്‍ പ്രാഗല്ഭ്യം തെളിയിച്ച സമാജം അംഗങ്ങളെ ചടങ്ങില്‍ ആദരിച്ചു. ഫിലോമിന് ജോസഫ് സ്വാഗവും വൈസ് പ്രസിഡന്റ് അമൃതരാജ് നന്ദിയും പറഞ്ഞു. സമാജം കുടുംബാംഗങ്ങളുടെ വിവിധ കലാപരിപാടികള്‍, ഓണസദ്യ എന്നിവ ഉണ്ടായിരുന്നു.
<BR>
TAGS : ONAM-2024
