കൊച്ചി: ശബരിമല സ്വര്ണക്കവര്ച്ച കേസില് എസ്ഐടി അന്വേഷണത്തില് ഇടപെടാനില്ലെന്ന് ഹൈക്കോടതി. സിബിഐ അന്വേഷണം ആവശ്യപ്പെട്ട് ബിജെപി സംസ്ഥാന പ്രസിഡന്റ് രാജീവ് ചന്ദ്രശേഖര് അടക്കം സമര്പ്പിച്ച ഒരുകൂട്ടം ഹര്ജികള് പരിഗണിക്കവെയാണ് ജസ്റ്റീസ് രാജാ വിജയരാഘവന് അധ്യക്ഷനായ ദേവസ്വം ബെഞ്ചിന്റെ പരാമര്ശം.
സംസ്ഥാനത്തെ ഏറ്റവും മികച്ച അന്വേഷണ ഉഗ്യോഗസ്ഥനാണ് കേസ് അന്വേഷിക്കുന്നത്. പ്രതികള്ക്ക് ജാമ്യം അനുവദിച്ചപ്പോള് വിചാരണ കോടതി എന്തെങ്കിലും പറഞ്ഞു എന്നത് കൊണ്ട് അന്വേഷണത്തില് ഇടപെടാനാകില്ലെന്ന് കോടതി വ്യക്തമാക്കി. നിലവിലെ അന്വേഷണം കോടതി മേല്നോട്ടത്തിലാണെന്നും കോടതി ചൂണ്ടിക്കാട്ടി.
കേസിനെക്കുറിച്ചുള്ള പൊതു ധാരണകളല്ല കോടതിയുടെ മുന്നിലുള്ളതെന്നും ദേവസ്വം ബെഞ്ച് വ്യക്തമാക്കി. ഹര്ജി ഒരാഴ്ച കഴിഞ്ഞ് വീണ്ടും പരിഗണിക്കും. അതേസമയം, സ്വര്ണക്കൊള്ള കേസില് പ്രതിയായ തന്ത്രി കണ്ഠരര് രാജീവരരുടെ ജാമ്യം റദ്ദാക്കണമെന്നാവശ്യപ്പെട്ട് എസ്ഐടി ഹൈക്കോടതിയില് അപ്പീല് നല്കി.
തന്ത്രിക്കെതിരെ തെളിവുകളുണ്ടെന്നും രണ്ട് കേസുകളിലെയും ജാമ്യം റദ്ദാക്കണമെന്നും എസ്ഐടി ആവശ്യപ്പെട്ടു. കീഴ്കോടതി ഉത്തരവ് കേസിന് തിരിച്ചടിയുണ്ടാക്കുമെന്നും അപ്പീലില് ചൂണ്ടിക്കാട്ടി. സ്വര്ണക്കൊള്ള കേസില് കൊല്ലം വിജിലന്സ് കോടതിയായിരുന്നു 40 ദിവസത്തെ ജയില് വാസത്തിനു ശേഷം തന്ത്രി കണ്ഠരര് രാജീവര്ക്ക് ജാമ്യം അനുവദിച്ചത്.
SUMMARY: Sabarimala gold loot: High Court says no interference in SIT investigation
