വൈറ്റ് ടോപ്പിങ്; സക്ര ഹോസ്പിറ്റൽ, ദേവരബീസനഹള്ളി റോഡുകൾ രണ്ട് മാസത്തേക്ക് അടച്ചിടും

ബെംഗളൂരു: ബിബിഎംപിയുടെ റോഡ് വൈറ്റ് ടോപ്പിംഗ് ജോലികൾ പുരോഗമിക്കുന്നതിനാൽ സക്ര ഹോസ്പിറ്റൽ മെയിൻ റോഡ്, ദേവരബീസനഹള്ളി (മിന്ത്ര അപ്പാർട്ട്മെൻ്റ് മുതൽ ബെല്ലന്ദൂർ കോടി വരെ) റോഡ് എന്നിവ രണ്ട് മാസത്തേക്ക് അടച്ചിടുമെന്ന് ബെംഗളൂരു ട്രാഫിക് പോലീസ് അറിയിച്ചു.

ഇന്ന് മുതൽ രണ്ടു റോഡുകളിലും എല്ലാത്തരം വാഹനങ്ങൾക്കും നിയന്ത്രണം ഏർപ്പെടുത്തും. യെമലൂർ ഭാഗത്തുനിന്നും ദേവരബീസനഹള്ളി, ബെല്ലന്തൂർ ഭാഗത്തേക്ക് പോകുന്ന വാഹനങ്ങൾക്ക് ഓൾഡ് എയർപോർട്ട് റോഡ്, യെമലൂർ ജംഗ്ഷൻ, മാർത്തഹള്ളി ബ്രിഡ്ജ്, കടുബീസനഹള്ളി ബ്രിഡ്ജ്, ഔട്ടർ റിംഗ് റോഡ് വഴി ദേവരബീസനഹള്ളി, ബെല്ലന്തൂർ ഭാഗത്തേക്ക് കടന്നുപോകണം.

യെമലൂരിൽ നിന്ന് കടുബീസനഹള്ളി, ദേവരബീസനഹള്ളി ഭാഗത്തേക്ക് പോകുന്ന വാഹനങ്ങൾ യെമലൂർ കോടിയിൽ നിന്ന് ഇടത്തോട്ട് തിരിഞ്ഞ് ഓൾഡ് എയർപോർട്ട് റോഡ്, യെമലൂർ ജംഗ്ഷൻ വഴി കരിയമ്മന അഗ്രഹാര റോഡ്, കടുബീസനഹള്ളി വഴി കടന്നുപോകണം.

ദേവരബീസനഹള്ളിയിൽ നിന്നും ബെല്ലന്തൂരിൽ നിന്നും വരുന്ന വാഹനങ്ങൾ കടുബീസനഹള്ളി ബ്രിഡ്ജിൽ നിന്ന് ഇടത്തോട്ട് തിരിഞ്ഞ് ഒആർആർ വഴി യെമലൂർ ജംഗ്ഷൻ വഴി ഓൾഡ് എയർപോർട്ട് റോഡ് റോഡ് ഭാഗത്തേക്ക് പ്രവേശിക്കണം. കടുബീസനഹള്ളി, ദേവരബീസനഹള്ളി എന്നിവിടങ്ങളിൽ നിന്ന് പോകുന്ന വാഹനങ്ങൾ കരിയമ്മന അഗ്രഹാരയിൽ നിന്ന് വലത്തോട്ട് തിരിഞ്ഞ് ഓൾഡ് എയർപോർട്ട് റോഡിലെക്ക് പോകണമെന്നും ട്രാഫിക് പോലീസ് നിർദേശിച്ചു.

TAGS: BENGALURU | TRAFFIC RESTRICTED
SUMMARY: Sakra Hospital Road to shut for traffic for 60 days from Nov 5