ബെംഗളൂരു: കുളത്തിൽ നീന്തുന്നതിനിടെ സഹോദരങ്ങൾ മുങ്ങിമരിച്ചു. ബെള്ളാരി സിഡിഗിനമോള ഗ്രാമത്തിൽ ബുധനാഴ്ച്ച വൈകീട്ടോടെയാണ് സംഭവം. രാജേഷ് (11), ശിവശങ്കർ (12) എന്നിവരാണ് മരിച്ചത്. ക്രിക്കറ്റ് കളിച്ച ശേഷം കുട്ടികൾ നീന്താൻ പോയപ്പോഴാണ് സംഭവം. നീന്താനായി കുളത്തിൽ ഇറങ്ങിയ രാജേഷ് അബദ്ധത്തിൽ മുങ്ങാൻ തുടങ്ങുകയായിരുന്നു.
ഇതോടെ രാജേഷിനെ രക്ഷിക്കാൻ ശിവശങ്കറും കുളത്തിലേക്ക് ഇറങ്ങുകയായിരുന്നു. നാട്ടുകാരും ഫയർ ഫോഴ്സും ചേർന്ന് തിരച്ചിൽ നടത്തിയെങ്കിലും ഫലമുണ്ടായില്ല. തുടർന്ന് വ്യാഴാഴ്ച ഉച്ചയോടെ ഇവരുടെ മൃതദേഹം കണ്ടെത്തുകയായിരുന്നു. സംഭവവുമായി ബന്ധപ്പെട്ട് പരമദേവനഹള്ളി പോലീസ് കേസ് രജിസ്റ്റർ ചെയ്തു.
TAGS: KARNATAKA | DROWNED TO DEATH
SUMMARY: Two Boys Drown In Farm Pond In Karnataka
