ബെംഗളൂരു: 10 കോടിയോളം വിലവരുന്ന 10.39 കിലോഗ്രാം ആമ്പർ ഗ്രിസുമായി (തിമിംഗിലവിസർജ്യം) മലയാളികളടക്കമുള്ള പത്തംഗസംഘത്തെ കുടക്‌ പോലീസ്‌ അറസ്റ്റ്‌ ചെയ്തു. കണ്ണൂർ, വയനാട്‌, തിരുവനന്തപുരം, കാസറഗോഡ് ജില്ലകളിലും കർണാടക ഭദ്രാവതി ജില്ലയിലുമുള്ളവരാണ്‌ അറസ്റ്റിലായത്. ഇവരില്‍ നിന്നും നോട്ടെണ്ണുന്ന രണ്ട്‌ യന്ത്രങ്ങളും പ്രതികൾ സഞ്ചരിച്ച രണ്ട്‌ കാറുകളും പോലീസ്‌ പിടികൂടി.
തിരുവനന്തപുരം മണിക്കൻപ്ലാവ്‌ ഹൗസിലെ ഷംസുദ്ദീൻ (45), തിരുവനന്തപുരം ബിമാപള്ളിയിലെ എം.നവാസ്‌ (54), പെരളശ്ശേരി വടക്കുമ്പാട്ടെ വി.കെ.ലതീഷ്‌ (53), മണക്കായി ലിസനാലയത്തിലെ വി.റിജേഷ്‌ (40), വേങ്ങാട്‌ കച്ചിപ്പുറത്ത്‌ ഹൗസിൽ ടി.പ്രശാന്ത്‌ (52), കർണാടക ഭദ്രാവതിയിലെ രാഘവേന്ദ്ര (48), കാസറഗോഡ് കാട്ടിപ്പൊയിലിലെ ചൂരക്കാട്ട്‌ ഹൗസിൽ ബാലചന്ദ്ര നായിക്‌ (55), തിരുവമ്പാടി പുല്ലൻപാറയിലെ സാജു തോമസ്‌ (58), പെരളശ്ശേരി ‘ജ്യോത്‌സ്ന നിവാസിൽ’ കെ.കെ.ജോബിഷ്‌ (33), പെരളശ്ശേരി ‘തിരുവാതിര നിവാസിൽ’ എം.ജിജേഷ്‌ (40) എന്നിവരാണ് പിടിയിലായത്.
തിമിംഗിലവിസർജ്യ വില്പനയ്ക്കായി സംഘം കുടകിലെത്തിയെന്ന രഹസ്യവിവരത്തെത്തുടർന്ന്‌ വീരാജ്‌പേട്ട ഡിവൈഎസ്‌പി പി.അനൂപ്‌ മാദപ്പയുടെ നേതൃത്വത്തിലുള്ള സംഘം നടത്തിയ പരിശോധനയിലാണ് വീരാജ്‌പേട്ട ഹെഗ്ഗള ജങ്ഷനിൽനിന്ന് ഇവര്‍ പിടിയിലായത്.
<BR>
TAGS : AMBERGRIS | ARRESTED
SUMMARY : 10 people including Malayalis arrested with amber grease (whale excrement) worth 10 crores
