മത്സ്യബന്ധനത്തിനിടെ വലയില്‍ കുരുങ്ങിയത് അഞ്ച് കിലോയോളം വരുന്ന നാഗവിഗ്രഹങ്ങള്‍

മലപ്പുറം: കടലില്‍ നിന്ന് മത്സ്യബന്ധനത്തിനിടെ നാഗവിഗ്രഹങ്ങള്‍ കണ്ടെത്തി. താനൂർ ഉണ്ണ്യാല്‍ അഴീക്കല്‍ കടലില്‍ നിന്നാണ് രണ്ട് നാഗവിഗ്രഹങ്ങള്‍ കണ്ടെത്തിയത്. പുതിയ കടപ്പുറം സ്വദേശിയായ റസലിന്റെ വലയിലാണ് ഏകദേശം അഞ്ച് കിലോയിലധികം ഭാരമുള്ള പിച്ചളയില്‍ നിർമ്മിച്ച വിഗ്രഹങ്ങള്‍ കുടുങ്ങിയത്.

വിഗ്രഹങ്ങള്‍ ഉടൻ തന്നെ റസല്‍ താനൂർ പോലീസ് സ്റ്റേഷനില്‍ കൈമാറി. ഇത് ഏതെങ്കിലും ക്ഷേത്രത്തില്‍ നിന്ന് മോഷണം പോയതാണോ എന്ന് പോലീസ് അന്വേഷിക്കുന്നുണ്ട്. സംഭവത്തെക്കുറിച്ച്‌ കൂടുതല്‍ വിവരങ്ങള്‍ ശേഖരിച്ചുവരികയാണെന്ന് പോലീസ് അറിയിച്ചു.

SUMMARY: Snake idols weighing about five kilos were caught in a net while fishing